मुंबई, ता. १८ ः अण्णासाहेब आर्थिक विकास महामंडळाकडून लाभार्थ्यांना सात दिवसांच्या आत व्याजाचा परतावा द्या. त्यासाठी नियोजन करावे, असे निर्देश उच्च व तंत्र शिक्षण मंत्री तथा मराठा आरक्षण आणि सुविधांसाठी गठित मंत्रिमंडळ उपसमितीचे अध्यक्ष चंद्रकांत पाटील यांनी आज दिले.
त्यांनी अण्णासाहेब पाटील आर्थिक मागास विकास महामंडळाच्या येथील कार्यालयाला भेट दिली. या वेळी महामंडळाचे अध्यक्ष नरेंद्र पाटील यांच्याशी चर्चा केली. महामंडळाकडून आतापर्यंत २३ हजार लाभार्थ्यांना २५ कोटी रुपये व्याज परतावा दिल्याची माहिती त्यांना देण्यात आली. चंद्रकांत पाटील यांच्या हस्ते आज सहा हजार लाभार्थ्यांना ४.६५ कोटी रुपयांचा व्याज परतावा ऑनलाईन स्वरुपात वितरित करण्यात आला.
या वेळी चंद्रकांत पाटील म्हणाले, ‘‘महामंडळातर्फे विविध योजनांना सर्वोत्तम प्रतिसाद मिळत आहे. त्या माध्यमातून राज्यभरात जवळपास ७० हजारांहून अधिक मराठा उद्योजक तयार झाले आहेत. या माध्यमातून मोठ्या प्रमाणात रोजगार निर्मितीस चालना मिळत आहे. या योजनेसाठी राज्य शासनाकडून निधी कमी पडू दिला जाणार नाही. मराठा समाजाच्या सर्वांगीण विकासासाठी शासन कटिबद्ध आहे.’’ या वेळी महामंडळाचे व्यवस्थापकीय संचालक मंगेश मोहिते आणि अधिकारी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.