सांगली शहरातील इलेक्ट्रिक साहित्याची विक्री करणाऱ्या सुरेश आणि दिनेश पारेख बंधू, अरविंद आणि ऋषिकेश लढ्ढा या चार बड्या व्यापाऱ्यांसह पिंटू बियाणी या व्यापाऱ्यावर काल ईडीच्या पथकांनी छापे टाकून तपासणी केली आहे. आर्थिक अनियमिततेच्या संशयावरून हे छापे टाकण्यात आल्याचे सांगण्यात येत आहे. ११ वाहनांमधून ६० अधिकारी या कारवाईसाठी सांगलीत दाखल झाले होते. (Latest Marathi News)

तर या छापेमारी नंतर या व्यापऱ्यांचे बँक खाते असणाऱ्या राजारामबापू पाटील सहकारी बँकेच्या मुख्य कार्यालयातही जाऊन ईडीच्या एका पथकाने या व्यापाऱ्यांच्या खात्याबाबाबत चौकशी केल्याची माहिती समोर आली आहे. तर या छापेमारी संबधी काही बातम्या प्रसिद्ध झाल्या होत्या. त्यामध्ये राष्ट्रवादीचे प्रदेशाध्यक्ष जयंत पाटील यांचे नाव समोर आले होते त्याचबरोबर या बँकेवर छापेमारी झाली असल्याचा त्यात उल्लेख होता. यासंबधीची संपूर्ण माहिती आणि स्पष्टीकरण समोर आले आहे. (Latest Marathi News)

तर या बँकवर ही छापेमारी नसून ज्या व्यापऱ्यांच्या घरी छापेमारी झाली त्यांच्या बँक खात्याची माहिती घेण्यासाठी अधिकारी बँकेत आले होते. यामध्ये या छापेमारीशी बँकेचा आणि जयंत पाटील यांचा काहीच संबंध नसल्याचे सांगली बँकेकडून स्पष्टीकरण आले आहे. तर बँकेत कोणताही गैरव्यवहार झालेला नाही ही चौकशी व्यापऱ्यांच्या बँक खात्यांची होती, अशी माहीती राजाराम बापू सहकारी बँकेचे एम डी प्रदीप बाबर यांनी दिली आहे.(Latest Marathi News)

राजाराम बापू सहकारी बँकेचे एम डी प्रदीप बाबर यांनी दिलेले स्पष्टीकरण

ईडीने काही व्यापाऱ्यावर छापेमारी केली त्यांच्या बँक खात्यांची चौकशी करण्यासाठी अधिकारी याठिकाणी आले होते. बँक नियमानुसार काम करत आहे. गेली ४२ वर्ष बँकेने जनतेचा विश्वास मिळवला आहे. याठिकाणी कोणतेही गैरव्यवहार होत नाहीत.अधिकाऱ्यांनी व्यापऱ्यांच्या बँक खात्यांची माहिती घेतली. तर चुकीच्या बातम्या प्रसिद्ध करणाऱ्या संबधित माध्यमांवर कारवाई करणार असल्याचेही त्यांनी यावेळी म्हंटले आहे.(Latest Marathi News)