कोल्हापुरमध्ये अंबाबाई मंदिर परिसरात मोठा राडा सुरू आहे. खासगी दुकानदारांनी लावलेले चप्पल स्टँड काढण्यावरून वाद निर्माण झाला आहे. महानगरपालिकेच्या अतिक्रमण विभागाने ही कारवाई केली आहे. (Latest Marathi News)

अंबाबाई मंदिर परिसरात चप्पल स्टँड काढण्यावरुन वाद सुरु झाला आहे. खासगी दुकानदारांनी लावलेले चप्पलस्टँड काढण्यावरून हा वाद सुरु झाला आहे. यावेळी पोलीस आणि चप्पल स्टँडवाल्यांमध्ये झटापट देखील झाली.

अंबाबाई मंदिर परिसरातील चप्पलस्टँड हे बेकायदेशीर असल्याचे म्हणत महानगरपालिकेने ते हटवण्याची मोहीम सकाळी सुरू केली होती. यावेळी चप्पल स्टँड चालकांनी त्यांना कडाडून विरोध केला. (Marathi Tajya Batmya)

विरोध करणाऱ्यांमध्ये महिलांचे प्रमाण जास्त होते. चप्पल स्टँड चालकांनी घेतलेल्या आक्रमक भूमिकेमुळे पोलिसांना बळाचा वापर करावा लागला. महिला पोलिसांनी विरोध करणाऱ्या महिलांना फरफटत तिथून बाहेर काढले. कारवाई सुरु झाल्यानंतरही चप्पल स्टँड चालकांनी तो रोखण्याचा प्रयत्न केला, मात्र पोलीस बळासमोर त्यांचे प्रयत्न यशस्वी होऊ शकले नाहीत.

महापालिकेने जेसीबीच्या माध्यमातून अंबाबाई मंदिराच्या भिंतीला लागून असलेली सर्व दुकाने हटवण्यात आली आहेत. यावेळी दुकानदारांनी कारवाईस विरोध केला. तरीही अतिक्रमण विभागाने आपली कारवाई सुरू ठेवली. मंदिराच्या भिंतीला लागून असणारी सर्व दुकाने यावेळी काढण्यात आली आहेत.(Latest Maharashtra News)