कोल्हापूर - कोरोनामुळे जिल्ह्यात आज एकाचा बळी गेला. हेब्बाळ जलद्याळ ता.गडहिंग्लज येथील 62 वर्षीय माजी पोलिस कर्मचारी 18 मे रोजी मुंबई वरुन कुटूंबीयासह गावी आले होते.गावाबाहेर असणार्या घरामध्ये ते त्यांच्या पत्नी व मुलासह क्वारंन्टाईन होते.त्यांना त्रास होऊ लागल्याने शुक्रवारी (ता.29) ला उपचारासाठी सीपीआर नेण्यात आले होते.आज सकाळी त्याचा सीपीआर मृत्यू झाला. त्यांची पत्नी आणि मुलगा यांचा रिपोर्ट देखील कोरोना पाॅझिटिव्ह आला आहे.जिल्ह्यात कोरोनाचा हा पाचवा बळी ठरला आहे.

आज रात्री दहा वाजता आलेल्या अहवाला नुसार आणखी 8 कोरोना बाधित सापडले आहे.य़ामध्ये आजरा 6,शाहूवाडी1,पन्हाळा 1 अशी रूग्णसंख्या पुढे आली आहे.त्यामुळे जिल्ह्यातील रुग्ण झपाट्याने वाढत आहे.एकुण रुग्ण संख्या ही 562 वर जाऊन पोहचली आहे.

दक्षता घेण्याचे आवाहन

तीन मे नंतर जिल्ह्यात तब्बल 30 हजार नागरिक आले आहेत हे नागरिक बहुतांश रेडझोन आणि बाधित जिल्ह्या मधून आलेले आहेत. त्यामुळे सर्वांनी दक्षता घेण्याचे आवाहन प्रशासनाने केले आहे.