कोल्हापूर : कोल्हापुरात पूरामुळे होणारे नुकसान टाळण्यासाठी बॉक्स टाइप मोऱ्या बांधणार असल्याची माहिती उपमुख्यमंत्री अजित पवार ( Ajit Pawar Visit Kolhapur) यांनी दिली. कोल्हापुरातील पूरस्थितीचा आढावा घेतल्यानंतर पत्रकारांशी त्यांनी संवाद साधला. अलमट्टीमुळे कोल्हापुरात पूरस्थिती ओढवत नाही असे स्पष्ट करुन अजित पवार यांनी समितीच्या अहवालावरच बोटं ठेवले आहे.(deputy-chief-minister-ajit-pawar-Flood-Kolhapur-visit-spoke-to-reporter-kolhapur-live-update-akb8)

ते म्हणाले, कोल्हापूर आणि सांगली शहराचे मोठे नुकसान झाले आहे. कोल्हापुरातील काही भागात 32 इंच एवढा पाऊस पडला असून ,पुरामुळे अनेक भागाचे, घराचे, दुकानाचे नुकसान मोठ्या प्रमाणात झाले आहे. कोल्हापुरातील परिस्थितीची मुख्यमंत्र्यांना माहिती देणार आहे. भविष्यात पूरस्थिती ओढवू नये याच्यासाठी समिती नेमणार आहे. अतिक्रमणासाठी जबाबदार असणाऱ्या अधिकाऱ्यांवर तात्काळ कारवाई करणार आहे. नदी पात्रात बांधकाम झाले असेल तर ते हटवण्याचे काम ही आम्ही यापुढे करू असेही अजित पवार म्हणाले.

पूरग्रस्त भागात सध्या अत्यावश्यक सेवा सोडून इतरांना इंधन न देण्याचा निर्णय उपमुख्यमंत्री अजित पवार यांनी घेतला. पूररेषेच्या पातळीच्यावर पुणे-बंगळुरु मार्गावर फ्लायओव्हर बांधण्याची नितीन गडकरींना विनंती करणार आहे.

परीस्थिती पूर्ववत करण्यासाठी युध्दपातळीवर काम सुरु आहे. भुस्खलनाची घटना टाळण्यासाठी प्रयत्न करणार असून मुख्यमंत्र्यांनी पूरग्रस्तांना एक महिन्याचे रेशन मोफत देण्याचा विचार केला आहे. राज्य सरकार लवकरात लवकर मदत जाहीर करेल. पावसामुळे गोकुळच्या दूध संकलनावर मोठ्या प्रमाणात परिणाम झाला आहे.अशी ही माहिती यावेळी त्यांनी दिली.