आजरा (कोल्हापूर) : आजरा - आंबोली (Aajra- Aamboli)मार्गावरील मसोली फाट्यानजीक टस्कराने भले मोठे माडाचे झाड पाडले. वाहनधारकांना वाहने चालवताना कसरत करावी लागत होती. दुपारपर्यंत तरी रस्त्यावरील हे झाड हटवण्यात आले नव्हते. त्यामुळे या मार्गावर एकेरी वाहतूक सुरू होती. वेळवट्टी व देवर्डे (Velvatti and Devarde)परिसरात टस्कर हत्तीने(Elephant)मोठा धुडगूस घातला आहे. (elephant-down-a-big-mada-tree-near-Masoli-fork-on-Ajara-Amboli-road-kolhapur-news)

शेतातील पिके फस्त करीत चाललाय आहे. त्यांच्या उपद्रवामुळे शेतकरी हैराण झाले आहेत. त्याला रोखायचे कसे याची चिंता वनविभागाला आहे . उपद्रवाबरोबरच त्याचे विविध प्रतापही सध्या चर्चा आहे. शेतातील पाण्याच्या टाक्या फोडणे, ट्रॅक्टर ट्रॉली उलटून टाकणे,बैलगाडी फेकणे व तैमुरची फुटबॉल समजून खेळणे . त्याच्या या प्रतापामुळेही शेतकरी त्रस्त झाले आहेत. आज त्याने पहाटे मसोली फाट्याजवळ माडाचे झाड मोडून रस्त्यावर पाडले. त्यामुळे आजरा आंबोली मार्गावरील वाहतूकीला अडथळा आला. दुपारपर्यंत या मार्गावर एकेरी वाहतूक सुरू होती .वाहनधारक या मार्गावरील झाड हटवण्यासाठी बांधकाम विभागाला वारंवार संपर्क करत होते . झाडाचा विस्तार रस्ताभर पसरल्याने वाहनधारकांना कसरत करत वाहने चालवावी लागत होती .

हेही वाचा- प्रवीण दरेकरांच्या सर्टिफिकेटची गरज नाही

झाडे पाडण्याचा सपाटा

अनेकदा आजरा आंबोली मार्गावरील दिशादर्शक फलक मोडून टाकले आहेत. आता तो झाडे पाडत सुटला आहे. त्याच्या या कृत्याने वनविभाग चिंतेत पडला आहे.