कोल्हापूर :आई (Aai)म्हणजे वात्सल्‍य, मनातील गुपित सांगण्याचं हक्काचं ठिकाण, ती कधी ओरडते, कधी रागावते अन् तितकंच भरभरून प्रेमही करते. त्यामुळेच प्रत्येकाला आई श्रेष्ठ वाटते. आई अडाणी असो की शिक्षित, याला फारसे महत्त्व नसते, ती आपल्याशी केवळ दोन शब्द प्रेमाने बोलल्यावर मनावरचा ताण हलका होतो. मात्र, याच आईचा छंद काय, तिला काय आवडते, तिची जन्मतारीख काय, अशा अनेक गोष्टींविषयी आपल्याला नक्की कितपत माहिती असते बरं? ‘सकाळ’ने ‘मातृदिना’च्या (Mothers Day Special Sakal survey)पार्श्वभूमीवर केलेल्या सर्वेक्षणात याचा झालेला खुलासा असा

Mothers Day Special Sakal survey found children of all ages

‘मदर्स डे’ करण्याच्या आधुनिक पद्धती

७१.१ टक्के जणांनी ‘मदर्स डे’ साजरा करीत असल्याचे सांगतानाच आईला घरकामातून पूर्ण विश्रांती देऊन त्या दिवशी तिच्या आवडीचे पदार्थ बनवित असल्याचे सांगितले. केक कापून किंवा आईबरोबर संपूर्ण दिवस व्यतित करून हा दिवस अविस्मरणीय बनवत असल्याचे काहींनी सांगितले.

हेही वाचा- दुबई न्यू नॉर्मल: उद्योग, व्यापाराला धक्का न लावता केले नियोजन

आईच्या आवडत्या डिश

आईला आवडणाऱ्या पदार्थांची नावे मात्र पटापट सर्वांनीच सांगितली. कोणी मांसाहारीत चिकन, पांढरा- तांबडा रस्सा, बिर्याणी आवडत असल्याचे सांगितले; तर काहींनी आईला पालेभाज्या, चमचमीत पदार्थ, पनीर, कांदाभजी, पुरणपोळी आवडत असल्याचे मत नोंदविले.

१. तुमच्या आईची जन्मतारीख माहीत आहे का?

होय- ९०.४

नाही- ९.३

२. अलीकडच्या काळात आईच्या जवळ बसून गप्पा मारल्यात का?

होय- ९०.८

नाही- ९.२

३. आईच्या आवडीचे ठिकाण किंवा पर्यटनस्थळ तुम्हाला माहीत आहे का?

होय- ९०.८

नाही- ९.२

४. आईची आवडती मालिका, नाटक माहीत आहे का?

होय- ८२.९

नाही- १७.१

५. आईचा आवडता छंद किंवा तिला अवगत असणारी कला तुम्हाला माहीत आहे का?

होय- ९३.४

नाही- ६.६

६. आईचे शिक्षण किती झाले आहे, तुम्हाला माहीत आहे का?

होय- १००

नाही- ०

७. आई फक्त गृहिणीच असावी, असे तुम्हाला वाटते का?

होय- २.६

नाही- ९७.४

८. आईबरोबर फिरायला तुम्ही एकटेच कधी गेलाय का?

होय- ६९.७

नाही- ३०.३

९. आईच्या अत्युच्च आनंदाच्या क्षणाबाबत तुम्हाला माहीत आहे का?

होय- ९०.८

नाही- ९.२

१०. आईशी तुम्ही १०० टक्के खरे बोलताय का?

होय- ७१.१

नाही- २७.६

कधीतरी- १.३

११. तुम्ही आईबरोबर ‘मदर्स डे’ साजरा केलाय का?

होय- ७१.१

नाही- २८.९

Mothers Day Special Sakal survey found children of all ages