कोल्हापूर : भुदरगडचे प्रांताधिकारी डॉ.संपत खिलारी आणि गडहिंग्लजच्या प्रांताधिकारी श्रीमती विजया पांगारकर यांची आज बदली झाली. खिलारी यांची बदली सांगली जिल्ह्यातील वाळवा तालुक्याचे प्रांताधिकारी म्हणून झाली आहे. तसेच सांगलीतील भूसंदापन क्रमांक ९चे उपजिल्हाधिकारी बाबासाहेब वाघमोडे यांची बदली गडहिंग्लज प्रांताधिकारी म्हणून झाली आहे. येथील पांगारकर यांची बदली वाघमोडे यांच्या ठिकाणी सांगलीत झाली आहे. नुकताच याबाबतचे आदेश प्रसिद्ध झाले आहेत.

वाघमोडे हे कोल्हापुरात करवीर तहसिलदार म्हणून कार्यरत होते. यापूर्वी पांगारकर यांच्या ठिकाणी वाघमोडे यांची बदली झाली होती. मात्र त्या मॅटमध्ये गेल्यामुळे तांत्रिक कारणास्तव ही बदली थांबली होती. आता याबदलची आदेश शासनाचे सहसचिव डॉ.माधव वीर यांच्या सहीने काढले आहेत. तसेच गतवर्षी डॉ.खिलारी यांनाही एक वर्ष वाढवून दिले होते. त्यांचा जिल्ह्यातील कार्यकाल पूर्ण झाल्यामुळे त्यांचीही बदली झाली आहे. महसूल मधील अन्य काही अधिकाऱ्यांच्या बदल्या दोन दिवसांत होण्याची शक्यता असून त्याकडे सरकारी अधिकाऱ्यांचे डोळे लागून राहिले आहेत.