Sharad Pawar Kolhapur Sabha: अजित पवार यांनी काही आमदारांसह एकनाथ शिंदे यांच्या नेतृत्वाखालील सरकारला पाठिंबा दिल्यांनतर शरद पवार गट आक्रमक झाला आहे. राष्ट्रवादी काँग्रेस पक्षाचे राष्ट्रीय अध्यक्ष शरद पवार आज कोल्हापूर दौऱ्यावर आहेत.
आज शरद पवार यांची कोल्हापुरात निर्धार सभा आहे. या सभेपूर्वी शरद पवार यांनी एका युवा कार्यकर्त्याला थेट व्यासपीठावर बोलावून घेतले.
एक युवा कार्यकर्ता "आम्ही साहेबप्रेमी (पेठ वडगांव)", अशा आशयाचे बॅनर घेऊन गर्दीत उभा होता. यावेळी शरद पवार यांचे लक्ष त्या युवकाकडे गेले. पोलिसांनी त्यांना रोखले होते.
यावेळी जितेंद्र आव्हाड आणि रोहित पवार या युवकाला घ्यायला गर्दीत गेले. युवा कार्यकर्त्याने व्यासपीठावर जाऊन शरद पवार यांचे आशिर्वाद घेतले. आजच्या सभेत युवकांची संख्या मोठ्या प्रमाणात आहे.
शरद पवार यांचे सभेकडे संपूर्ण महाराष्ट्राचे लक्ष लागले आहे. अजित पवार यांच्या बंडावर शरद पवार काय बोलणार. कांदा प्रश्न, महागाई, यावर केंद्र सरकारवर काय टीका करणार, याकडे राजकीय वर्तुळात सर्वांचे लक्ष लागले आहे.
पश्‍चिम महाराष्‍ट्रातील राष्‍ट्रवादीचा बोलकिल्‍ला अशी कोल्हापूर जिल्‍ह्याची ओळख आहे. अजित पवार यांच्या फुटीनंतर जिल्‍ह्यात राष्ट्रवादी दोन गटांत विभागली आहे. हसन मुश्रीफ, राजेश पाटील यांनी अजित पवार यांच्यासोबत जाण्याचा निर्णय घेतला आहे. (latest marathi news)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.