कोल्हापूर : महाद्वार रोडवरील (Mahadwar Road) पणत्या (Diwali Panati) विक्रेत्या सुवर्णा शिंदे (Suvarna Shinde) आपले दुःख बाजूला सारत आनंदाची पेरणी करण्यासाठी सज्ज झाल्या आहेत. विविध प्रकारच्या पणत्यांची विक्री करत त्या यंदाच्या दिवाळीत (Diwali) ग्राहकांच्या अंगणात सुखाचा प्रकाश पेरणार आहेत.

सुवर्णा शिंदे या शिवाजी पेठेत राहतात. रोज खरी कॉर्नर ते बिनखांबी गणेश मंदिर या मार्गावर सायंकाळी फुले, भाजी विकतात. त्यांच्या मुलाचे वयाच्या बाविसाव्या वर्षी निधन झाले. सुवर्णा यांचे पती सेंट्रिंगचे काम करतात; मात्र तेही कामावर पाय निसटून पडले आणि काम थांबले. त्यानंतर सुवर्णा खचल्या नाहीत.

पतीसोबत आपले जगणेही सुसह्य व्हावे, यासाठी त्या धडपडत असतात. विविध वस्तुंच्या विक्रीतून मिळणाऱ्या नफ्यात खर्च भागेल, याची काळजी घेतात. सकाळी रिकाम्या हाताने घराबाहेर पडत असल्या तरी सायंकाळी घरात पुन्हा जाताना समाधानाचे तेज घेऊन परततात.

पणत्या खरेदी करून शिंदेंना बळ देऊया...

दीपोत्सवाचे परंपरागत तेज उजळवण्यासाठी ही पणती खरेदी करा. आणि सुवर्णा शिंदे यांच्या अर्थकारणाला बळ द्या.

-सुवर्णा शिंदे यांचा संपर्क : 7262007496