Bitcoin Fraud case: बिटकॉईनमध्ये पैसे गुंतवतो आणि प्रचंड नफा मिळवून देतो, असे सांगून २२ लाख १० हजार रुपयांचे धनादेश स्वतःसह वडील आणि पत्नीच्या खात्यात वटवल्याचा प्रकार नुकताच उघडकीस आला. याप्रकरणी स्वप्नील गजानन माताडे (वय ४८), गजानन यशवंत माताडे (वय ७०), रश्मी स्वप्नील माताडे (वय ४५, सर्व रा. बी १, बी २ यशवंत बंगला, केवीज पार्क, नागाळा पार्क) यांच्यावर फसवणुकीचा गुन्हा दाखल करण्यात आला आहे. याबाबतची फिर्याद वसंत निवृत्ती कांबळे (रा.ए/२, ६०७, इंद्रलोक स्वामी देवप्रकाश गार्डन, मोहनपूरमजवळ अंबरनाथ, पूर्व मुंबई) यांनी शाहूपुरी पोलिस ठाण्यात दिली.
याप्रकरणी पोलिसांनी दिलेल्या माहितीनुसार, वसंत कांबळे हे निवृत्त कर्मचारी असून, अमित माने यांच्याद्वारे त्यांची स्वप्नील माताडे याच्याशी ओळख झाली. स्वप्नीलने वसंत कांबळे यांचा विश्वास संपादन केला. ‘मी क्रिप्टो करन्सीमध्ये पैसे गुंतवतो. तुम्हीपण गुंतवा. बिटकॉईन हे परकीय चलन आहे. यामध्ये नफा मोठा मिळतो,’ असे त्याने कांबळे यांना सांगितले.
त्यानंतर त्याने २२ लाख १० हजार रुपयांचे ९ चेक घेतले. हे चेक त्याने स्वतःच्या तसेच वडील गजानन माताडे आणि पत्नी रश्मी माताडे यांच्या खात्यात वटवले. वसंत कांबळे यांना याची कल्पना आली. त्यांनी स्वप्नील याच्या घरी जाऊन त्याच्या वडील आणि पत्नीच्या खात्यावर जमा झालेले पैसे परत मागितले, मात्र त्यांनी पैसे देण्यास नकार दिला. त्यामुळे वसंत कांबळे यांनी शाहूपुरी पोलिस ठाण्यात फिर्याद दिली. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.