01879
बाजारभोगावला भोगेश्वर यात्रेची सांगता
दर्शनासाठी गर्दी; ग्रामपंचायतीतर्फे तरुण मंडळांचा सत्कार
सकाळ वृत्तसेवा
बाजारभोगाव, ता. १६ ः येथील ग्रामदैवत भोगेश्वर यात्रा सोमवार (ता. १३) व ते बुधवारी (ता. १५) मोठ्या उत्साहात झाली. पहिल्या दिवशी साउंड सिस्टिममुक्त मिरवणूक यात्रा करणारे राजे स्पोर्टस् व आदर्श तरुण मंडळाचा सन्मानचिन्ह देऊन ग्रामपंचायतीतर्फे सत्कार झाला.
सोमवारी यात्रेच्या पहिल्या दिवशी सकाळी ग्रामदैवत श्री भोगेश्वरच्या स्वयंभू शिवलिंगासह जुगाईदेवी, रासाईदेवी, जोतिबा आदी देवांना मंदिराचे पुजारी सुधीर पाटील यांनी अभिषेक घातला. त्यानंतर काकडारती झाली. यात्रेच्या मुख्य दिवशी हजारो भक्तांनी भोगेश्वरच्या दर्शनासाठी मंदिरामध्ये गर्दी केली होती. सायंकाळी पालखीत ‘श्री’ मूर्ती विराजमान करून पालखी सोहळा पारंपरिक वाद्यांच्या गजरात झाला. दरम्यान मंदिर परिसरात फटाक्यांची आताषबाजी केल्याने आस्मंत उजाळून निघाला होता. मंदिरावर आकर्षक विद्युतरोषणाई केली होती. खेळण्यांच्या दुकानांनी बाजारपेठ खुलली होती. ग्रामपंचायतीच्या वतीने पहिल्या दिवशी करमणुकीसाठी लोकनाट्य तमाशाचे आयोजन केले. बुधवारी महिलांसाठी आॕर्केस्ट्राचे आयोजन केले. दरम्यान तरुण मंडळांनी काढलेल्या मिरवणुका पाहण्यासाठी रात्री नऊपर्यंत हजारो नागरिकांनी मंदिर परिसरात गर्दी केली होती. सरपंच सीमा हिर्डेकर यांनी बाजारभोगावात केलेल्या विकासकामांची दखल घेत भाऊ भणगे यांच्या कुटुंबीयांनी हिर्डेकर दाम्पत्याचा सत्कार केला.
यात्रा यशस्वीपणे पार पडण्यासाठी नितीन हिर्डेकर, सरपंच सीमा हिर्डेकर, उपसरपंच युवराज पाटील, यात्रा कमिटी अध्यक्ष रोहन गुरव, उपाध्यक्ष फिरोज गडकरी, गजानन पानारी, निशिकांत पाटील, ग्रामपंचायत सदस्य अमोल कांबळे, अमर धनवडे, प्रशांत इंगळे, बेबी कांबळे, अर्चना कुंभार, मीना पोतदार, सुवर्णा खोत, रंजना शिंदे यांच्यासह मान्यवरांनी परिश्रम घेतले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.