04371
गुडाळ : येथे शिवजयंतीनिमित्त उभारलेला शिवकालीन देखावा. यावेळी शिवरायांना अभिवादन करण्यासाठी जमलेले ग्रामस्थ.
................
शिवजयंतीनिमित्त गुडाळला
शिवकालीन शस्त्रप्रदर्शन
सकाळ वृत्तसेवा
कसबा तारळे, ता. १० : येथे व परिसरातील गावांमध्ये शिवजयंती उत्साहात साजरी झाली. खासगी इमारतीच्या आवारात अथवा सहकारी संस्थांच्या कार्यालयात शिवछत्रपतींच्या प्रतिमेचे पूजन करून शिवजयंती साजरी झाली.
दरम्यान, गुडाळवाडी व गुडाळ गावातील शिवप्रेमींच्या वतीने संयुक्त शिवजयंती उत्साहात साजरी करण्यात आली. विकास सेवा संस्थेच्या इमारतीच्या आवारात शिवजयंतीनिमित्त आकर्षक सजावट केली होती. येथे शिवजयंतीनिमित्ताने तात्पुरत्या स्वरूपात स्थापित केलेल्या शिवछत्रपतींच्या सिंहासनारुढ भव्य पुतळ्याचे दोन्ही गावांतील मान्यवरांच्या हस्ते पूजन झाले. वीर बाजीप्रभू देशपांडे, तानाजी मालुसरे आदींसह शूर मावळ्यांचे कटआउट्स लावून किल्ल्याची प्रतिकृती उभारली होती. यानिमित्त शिवकालीन संग्रहित शस्त्रांचे प्रदर्शन भरविले होते. त्याला शिवप्रेमींनी भेट देत मोठा प्रतिसाद दिला.
.................
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.