बरगे खुले केल्याने
तुळशी नदीचे पात्र कोरडे
धामोड : येथील तुळशी नदीवर शेतीसाठी पाणी अडवण्यासाठी घातलेले कोल्हापूर पद्धतीच्या बंधाऱ्यामधील लाकडी बरगे काढण्यासाठीची कर्मचाऱ्यांची लगबग सुरू आहे. दरवर्षी जून महिन्याच्या पहिल्या आठवड्यातच हे लाकडी बरगे प्रशासनाकडून काढले जातात. सध्या हे बरगे खुले केल्याने तुळशी नदी कोरडी पडली आहे. तुळशी नदीवर तेरा ठिकाणी कोल्हापूर पद्धतीच्या बंधाऱ्यावरती पिण्यासाठी व शेतीकरिता पाणी अडवले जाते. त्यामुळे आठ महिने तुळशी नदी बारमाही वाहते. दरवर्षी येथील पाटबंधारे प्रशासन जून महिन्याच्या पहिल्या आठवड्यात हे लाकडी बरगे काढतात. यावर्षी अद्यापही या परिसरात पावसाने हजेरी लावलेली नसल्याने शेतीसाठी वीज पंप शेतकऱ्यांना सुरू ठेवावे लागले, मात्र प्रशासनाने बंधारे खुले केल्याने वीज पंपांना पुरेसे पाणी मिळणे अवघड झाले आहे. पाण्याअभावी तुळशी नदी कोरडी पडली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.