गांधीनगर येथे जुगार
खेळणाऱ्या १७ जणांवर गुन्हा

गांधीनगर, ता. ३: येथील मुख्य रस्त्यावर उचगाव हद्दीत तीन पानी जुगार खेळणाऱ्यांवर छापा टाकून सतरा जणांवर गुन्हा दाखल करण्यात आला. रोख रक्कमेसह सहा लाख पाच हजार दोनशे रुपयांचा मुद्देमाल जप्त करण्यात आला. गांधीनगर पोलिसांनी शुक्रवारी ही कारवाई केली.
याप्रकरणी कमलेश इंदरलाल दर्याणी, सुरेश पोपट माने, मुकेश बलराम राजपूत, मुरली ब्रिजलाल लुलानी, रवी मदनलाल चंदवानी (सर्व रा. गांधीनगर), अविनाश गंगाधर सुतार, शुभम संदीप आळवेकर, गदर लमवेल सकटे (सर्व रा. कनाननगर, कोल्हापूर), बलराज उज्वल गवळी (रा. जाधववाडी कोल्हापूर), अभिजीत राजाराम तोडकर (रा. दुधाळी, कोल्हापूर), ओंकार राजेंद्र जाधव (रा. जाधववाडी), रोशन दत्तात्रय माने (रा. विक्रम नगर, कोल्हापूर), अजय तानाजी जाधव, वीर बबन जाधव, गणेश सुरेश गोसावी, तानाजी रामू जाधव (सर्व रा. उचगाव) यांच्यावर गांधीनगर पोलिस ठाण्यात गुन्हा दाखल झाला. हवालदार संतोष बळीराम कांबळे यांनी याबाबतची फिर्याद दिली.
दरम्यान, जुगाराच्या साहित्यासह तेरा मोबाईल हँडसेट, सहा दुचाकी आणि रोख रक्कम ५२ हजार असा सहा लाख पाच हजार दोनशे रुपयांचा मुद्देमाल जप्त करण्यात आला आहे.