गडहिंग्लज शासकीय
आयटीआय़ प्रवेश सुरू
दहा कोर्सेस; २९६ प्रवेशक्षमता

गडहिंग्लज, ता. १४ : य़ेथील शेंद्री माळावरील शासकीय औद्योगिक प्रशिक्षण केंद्राची (आय़टीआय) प्रवेश प्रक्रिया सुरु झाली आहे. विद्यार्थ्यांना ऑनलाईन पध्दतीने ११ जुलै अखेर अर्ज करण्याची मुदत आहे. याठिकाणी चार एका वर्षाचे तर सहा दोन वर्षाचे अशा एकूण दहा कोर्सेसमध्ये २९६ विद्यार्थ्यांची प्रवेशक्षमता आहे. मुलींच्यासाठी खास ड्रेस मेकिंग कोर्स आहे.
दहावीचा निकाल जाहीर झाला आहे. राज्यातील शासकीय आणि खासगी आय़टीआयची प्रवेशप्रक्रिया सुरु झाली आहे. विद्यार्थ्यांना https://admission.dvet.gov.in या संकेतस्थळावर ऑनलाईन अर्ज सादर करावयाचे आहेत. खुल्यासाठी १५० तर राखीव प्रवर्गासाठी १०० रुपये प्रवेश अर्जाची किंमत आहे. इच्छुक विद्यार्थ्यांसाठी रोज सकाळी १० ते ११ वेळेत मोफत मार्गदर्शन केले जाणार असल्याची माहिती प्राचार्य स्वानंद देवधर यांनी दिली.
य़ेथील शासकीय आय़टीआय़ कोल्हापूर जिल्ह्यातील दुसऱ्या क्रमांकाची मोठी संस्था आहे. वीस एकर परिसरात संस्थेचा परिसर आहे. पन्नास मुलांसाठी स्वतंत्र्य वस्तीगृह आहे. दरवर्षी बहुतांशी विद्यार्थी कँम्पस इंटरिव्ह्यूमधून विविध नामांकित उद्योगसमूहात निवडले जातात. जिल्ह्यातील विद्यार्थ्यांसाठी ९० तर परजिल्ह्यातील विद्यार्थ्यांसाठी १० जागा आरक्षित असतात. मुलींसाठी ड्रेस मेकिंग कोर्स आहे. मुलींसाठी प्रत्येक कोर्सला ३० टक्के जागा राखीव आहेत.

चौकट..
अभ्यासक्रम, कंसात कालावधी
*वेल्डर, मेकॅनिकल डिझेल, पंप ऑपरेटर, ड्रेस मेकिंग (एक वर्ष)
*इलेक्ट्रिशियन, फिटर, मशिनिष्ट, टर्नर, मोटार मॅकेनिक, रेफ्रिजरेशन अँन्ड एअर कडिंशनिंग (दोन वर्ष)