लोगो ः गडहिंग्लज

निलजी बंधारा पाण्याखाली
गडहिंग्लज: तालुक्यात आज दुपारपासून पावसाची रिपरिप सुरू आहे. तसेच आजरा व कोकणात सुरू असलेल्या जोरदार पावसाने हिरण्यकेशी नदीतील पाण्याची पातळी वाढली असून, निलजी बंधारा पाण्याखाली गेला आहे. शहर व तालुक्यात गेली आठवडाभर केवळ ढगाळ वातावरण होते. अधूनमधून एखादी पावसाची सर यायची. जोरदार पाऊस नव्हता. आज दुपारपासून मात्र पावसाची संततधार सुर झाली. जोर नसला तरी पावसाचे सातत्य होते. यामुळे खरीप हंगामातील पिकांना दिलासा मिळाला. दरम्यान, कोकण व आजरा परिसरात सुरू असलेल्या जोरदार पावसाने हिरण्यकेशी नदीतील पाण्याची पातळी वाढली आहे. रात्री निलजी बंधाऱ्यावर पाणी आल्याने या मार्गावरील वाहतूक बंद करण्यात आली आहे. यामुळे नूल व पूर्वभागाची वाहतूक जरळी, भडगाव मार्गे सुरू आहे. निलजी वगळता सर्व बंधाऱ्यावरून वाहतूक सुरू आहे.
-----