03214
वाघापूर : नागपंचमी यात्रेला भाविकांनी केलेली गर्दी
(छायाचित्र : संदीप पाटील)
...
हजारो भाविकांच्या उपस्थितीत
वाघापुरात नागपंचमी यात्रा
गारगोटी , ता. २१ : ‘जोतिबाच्या नावानं चांगभलं’ च्या गजरात लाखो भाविकांचे श्रद्धास्थान असलेल्या वाघापूर (ता. भुदरगड) येथील जोतिर्लिंगाची नागपंचमी यात्रा मोठ्या उत्साहात झाली. यात्रेला दिवसभर भाविकांनी मोठी गर्दी केली. यात्रेनिमित्त विविध धार्मिक कार्यक्रम, उपक्रम आयोजित केले होते.
पहाटे पाच वाजता आमदार प्रकाश आबिटकर व विजयालक्ष्मी आबिटकर यांच्या हस्ते सपत्नीक अभिषेक व महापूजा, काकड आरती झाली. पहाटेपासून मंदिरात दर्शनासाठी भाविकांच्या रांगा लागल्या होत्या. दिवसभरात हजारो भाविकांनी दर्शन घेतले.
सकाळी कुंभारांच्या घरातून वाद्यांच्या गजरात नागमूर्ती देवालयात आणली. दिवसभर महिलांनी लाह्या, तांदूळ अर्पण करीत नागमूर्तीचे पूजन केले. जोतिर्लिंग सहज सेवा ट्रस्टतर्फे भक्तांना महाप्रसाद तर केदार-भैरव मोफत अन्नछत्रातर्फे शाबू खिचडीचे वाटप झाले. रस्त्याच्या दुतर्फा विक्रेत्यांनी स्टॉल उभारले होते. यात्रेनिमित्त गावात लाखो रूपयांची आर्थिक उलाढाल झाली.
यात्रेनिमित्त वाहतुकीची कोंडी होऊ नये यासाठी वाघापूर, आदमापूर, मुदाळतिट्टा, कूर अशी एकेरी वाहतूक सुरु होती. तसेच भाविकांसाठी गारगोटीसह जिल्ह्यातील अनेक आगारातून जादा बसेस सोडल्या होत्या. स्थानिक देवस्थान समिती, ग्रामपंचायत, पोलिस व ग्रामस्थांच्या नियोजनामुळे यात्रा सुरळीत पार पडली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.