03974
मुलापाठोपाठ अपघातातील
जखमी आईचाही मृत्यू
हातकणंगले, ता. ३० : दोन दिवसांपूर्वी कुंभोज - दानोळी मार्गावर मोटार व मोटासायकल यांच्यात झालेल्या अपघातात गंभीर जखमी झालेल्या महिलेचा आज उपचार सुरू असताना मृत्यू झाला. या अपघातात दुचाकीस्वार जागीच ठार झाला होता.
हातकणंगले तालुक्यातील माणगाव येथील तानाजी बाजीराव कोळी, त्यांची आई शांताबाई कोळी आणि मुलगी वैष्णवी कोळी हे सांगलवाडीहून दोन दिवसांपूर्वी मोटारसायकलवरून दानोळी, कुंभोज मार्गे माणगावकडे येत होते. ते कुंभोज-दानोळी मार्गावरील चौगुले मळ्याशेजारी आले असता मोटार आणि मोटारसायकलची समोरासमोर धडक होऊन झालेल्या अपघातात मोटारसायकलस्वार तानाजी बाजीराव कोळी (वय ४८) जागीच ठार झाले होते, तर मागे बसलेल्या शांताबाई (वय ७०), मुलगी वैष्णवी (वय १३) गंभीर जखमी झाल्याने त्यांना उपचारासाठी सांगली सिव्हिल हॉस्पिटलमध्ये दाखल केले होते. शांताबाई यांची प्रकृती चिंताजनक असल्याने त्यांना कोल्हापुरातील खासगी रुग्णालयात उपचारासाठी दाखल केले होते. उपचार सुरू असताना आज सायंकाळी त्यांचा मृत्यू झाला. अपघातात मुलगा आणि आईचा मृत्यू झाल्याने माणगावसह परिसरात हळहळ व्यक्त होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.