लाभार्थ्यांनी मंजुरी पत्रे न नेल्यास
पेन्शन मिळण्यास अडचण ः डाळ्या
इचलकरंजी, ता. १३ : फेब्रुवारी, मार्चमधील बैठकीत संजय गांधी निराधार योजनेतील २ हजार ७८२ लाभार्थ्यांना विविध योजनेचा लाभ दिला. तसेच खात्यावर पैसेही जमा झाले. मात्र, यातील अद्याप ३२० लाभार्थ्यांनी मंजुरीपत्रे संजय गांधी कार्यालयातून घेतली नाहीत. त्यांनी मंजुरीपत्रे पंधरा दिवसांत घेऊन जावीत. अन्यथा भविष्यात पेन्शन मिळण्यास अडचणी येणार आहेत, अशी माहिती संजय गांधी निराधार योजनेचे अध्यक्ष अॅड. अनिल डाळ्या यांनी दिली.
संजय गांधी निराधार योजनेतील समितीची १३ फेब्रुवारी व ३१ मार्च रोजी झालेल्या बैठकीत श्रावणबाळ निवृत्त योजना, इंदिरा गांधी वृद्धापकाळ योजना, इंदिरा गांधी विधवा योजना, संजय गांधी निराधार योजनेच्या २ हजार ७८२ लाभार्थ्यांना पेन्शनचा लाभ दिला. खात्यावर पैसेही जमा केले. मात्र, या योजनेतील अद्याप ३२० लाभार्थ्यांनी मंजुरीपत्रे संजय गांधी कार्यालयातून घेतली नाहीत. मंजुरीपत्रे १५ दिवसांत घेऊन जावीत, अन्यथा पुढील काळात लाभ मिळण्यास अडचणी येणार आहेत. तसेच मंजुरीपत्र व आधार कार्ड घेऊन पोस्टात खाते उघडण्यास जावे. उघडल्यानंतर त्याची नोंद संजय गांधी कार्यालयात करायची आहे. त्यानंतर पेन्शनची नोंद होईल, असे म्हटले आहे.
-----
दहा कोटी ७६ लाखांची मागणी
जुलै, ऑगस्ट व सप्टेंबर अशा तीन महिन्यांतील पैसे लाभार्थ्यांना मिळाले नाहीत. त्यामुळे दिवाळीपूर्वी लाभार्थ्यांना पैसे खात्यामध्ये जमा व्हावे, यासाठी १० कोटी ७६ लाख रुपयांची मागणी समितीने जिल्हाधिकारी, पालकमंत्री यांच्याकडे केली असल्याचे अॅड. डाळ्या यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.