इचलकरंजीत तीन लाखांची घरफोडी
इचलकरंजी, ता. १२ : जवाहरनगरमध्ये बंद घर फोडून चोरट्यांनी सोन्याचे दागिने, रोख रुपये चोरून नेले. कडी-कोयंडा व कुलूप तोडून दोन लाख ९० हजार ४३८ रुपयांचा ऐवज चोरीला गेल्याची नोंद शिवाजीनगर पोलिस ठाण्यात झाली आहे. याप्रकरणी नानासाहेब शिवाजी कांबळे (वय ६३, जिजामाता हौसिंग सोसायटी, जवाहरनगर) यांनी पोलिस ठाण्यात फिर्याद दिली आहे.
पोलिसांतून मिळालेली माहिती, नानासाहेब कांबळे हे शुक्रवारी (ता. १०) कोल्हापूरला गेले होते. शनिवारी (११) सकाळी ते घरी परतले असता घराचा कडी, कोयंडा तुटल्याचे दिसून आले. घरात जाऊन पाहणी केली असता लोखंडी दारे उचकटल्याचे निदर्शनास आले. चोरट्यांनी कपाटाचे दार उचकटून रोख ४५ हजार रुपये, अडीच तोळे सोन्याचे दागिने अशा ऐवजावर डल्ला मारला. घटनास्थळी शिवाजीनगर पोलिसांनी पंचनामा करून तपास सुरू केला आहे. भागातील सीसीटीव्हीच्या मदतीने चोरट्यांचा शोध सुरू आहे. पोलिस उपनिरीक्षक नाथा गळवे अधिक तपास करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.