इचलकरंजीत वीज उपकरणे
जळाल्याने लाखोंचे नुकसान
इचलकरंजी, ता. ४ : शहरात आज दुपारच्या सुमारास पावसासह विजांचा कडकडाट झाला आणि शहर हादरून निघाले. मंगळवार पेठ भागात घरोघरी विजेच्या कडकडाटामध्ये हाय व्होल्टेज ड्रामा झाला. यामुळे अनेक घरांतील टीव्ही संच, फ्रीज, फॅन, सेट टॉप बॉक्स आदी विजेची उपकरणे जळाल्याने लाखो रुपयांचे नुकसान झाले आहे. या घटनेने भागात घबराटीचे वातावरण निर्माण झाले होते.
सकाळपासूनच उष्म्याने नागरिक हैराण होते. दुसरीकडे लोकसभा निवडणुकांचे निकालात गुंग होत घरोघरी टीव्ही, फॅन, एसी, कुलर आदींसह इलेक्ट्रोनिक्स उपकरणे सुरू होती. दुपारनंतर ढगाळ वातावरण होत विजेच्या कडकडाटासह पावसाने हजेरी लावली. पावसामुळे घरात बसलेल्या नागरिकांनी हाय व्होल्टेज ड्रामा अनुभवला. पाहता पाहता अनेकांच्या घरांत वीज उपकरणे जळाली. संजय म्हेतर, रमेश थोरवत, अरुण वडेकर, दिनेश रेंदाळकर, मनोज ठोके आदींच्या घरांतील टीव्ही संच व एलईडी बिघाड होऊन बंद पडले. बापू नाईक, हरीश वरुटे यांचे फिरते फॅन जळाले. अनेकांचे सेटटॉप बॉक्ससह अन्य वीज उपकरणे जळाली. अनेकांना घरावर वीज पडल्यासारखे वाटले आणि वायरी अचानक तुटून धुरासह मोठा आवाज झाला. यामुळे नागरिक घरातील नागरिक भीतीने धावत रस्त्यावर आले. त्यानंतर अन्य शेजारी घरांतही असाच प्रकार घडला. सुमारे १२ टीव्ही, दोन सीलिंग फॅनसह वीज उपकरणे जळाली. यामुळे लाखोंचे नुकसान झाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.