09063
इचलकरंजी : महावितरणच्या कार्यालयात विद्युत सुरक्षा कार्यशाळेत कार्यकारी अभियंता प्रशांत राठी यांनी मार्गदर्शन केले.
---------
इचलकरंजीत विद्युत सुरक्षेचा जागर
सकाळ वृत्तसेवा
इचलकरंजी, ता. ३ : महावितरणच्या इचलकरंजी कार्यालयात विद्युत सुरक्षा कार्यशाळा झाली. यातून विद्युत सुरक्षेचा जागर केला. विद्युत निरीक्षक कार्यालय, महावितरण व इचलकरंजी इलेक्‍ट्रिकल कॉन्ट्रॅक्टर्स असोसिएशनतर्फे राष्ट्रीय विद्युत सुरक्षा सप्ताहानिमित्त कार्यशाळेचे आयोजन केले.
यात विद्युत सुरक्षा व उपाययोजना यासंबंधी माहिती देणारी चित्रफित प्रदर्शित केली. विद्युत अपघात कसे होतात, विद्युत उपकरणे कशी हाताळावीत व विद्युत अपघात होऊ नयेत यासाठी कोणती दक्षता घ्यावी, याबाबत मार्गदर्शन केले. वृक्षप्रेमी राहुल मगदूम यांनी पर्यावरण संवर्धन व वृक्ष सुरक्षा याविषयी मागर्दर्शन केले.
महावितरणचे कार्यकारी अभियंता प्रशांत राठी, सहायक विद्युत निरीक्षक प्रभाकर पतंगे, आझाद हिंद राष्ट्रीय चॅरिटेबल ट्रस्टचे राहुल मगदूम, इलेक्‍ट्रिकल कॉन्ट्रॅक्टर्स असोसिएशनचे अध्यक्ष शाहू पवार यांची प्रमुख उपस्थिती होती. सूत्रसंचालन विजय कोठावळे व निकिता नाईक यांनी केले.