03883
वाकरेः कोल्हापूर -गगनबावडा रस्ता रुंदीकरणाचे काम ग्रामस्थांनी बंद पाडून कंत्राटदारांना धारेवर धरले.
...
कोल्हापूर -गगनबावडा रस्ता
रुंदीकरणाचे काम पाडले बंद
वाकरे, खुपिरेचे ग्रामस्थ आक्रमक
कुडित्रे, ता.२१ः कोल्हापूर- गगनबावडा रस्त्याचे रुंदीकरण सुरू आहे. रस्त्याची उंची तीन फुटाने वाढणार आहे. यामुळे अनेक गावांत मुख्य रस्त्यावर येण्यासाठी शेतकऱ्यांना, नागरिकांना अडचणी निर्माण होणार आहेत. रस्त्याची उंची वाढवू नये, याबाबत दोन वेळा निवेदन दिले होते. मात्र, राज्य महामार्ग विभागाने गावांच्या ठिकाणी मोठ्या पाईपलाईन घालण्याचे काम सुरू केले आहे. आज वाकरे आणि खुपिरे ग्रामस्थांच्या वतीने हे काम बंद पाडण्यात आले. यावेळी कंत्राटदारांना धारेवर धरले. याबाबत माजी पालकमंत्री सतेज पाटील यांना निवेदन देण्यात आले.
कोल्हापूर- गगनबावडा रस्त्याचे रुंदीकरण सुरू आहे. रस्त्याची उंची तीन फुटांनी वाढणार आहे. तसेच बालिंगा, दोनवडे या ठिकाणी चार मोऱ्या कराव्यात, अशी मागणी नागरिकांच्यातून होत आहे. याबाबत वाकरे ,खुपिरे, साबळेवाडी, दोनवडे, पाडळी खुर्द ग्रामपंचायत व ग्रामस्थांच्या वतीने रस्त्याची उंची वाढवू नये, या मागणीबाबत दोन वेळा निवेदन दिले आहे.
आज गावांच्या ठिकाणी मुख्य रस्त्यालगत मोठे पाईप ठेवण्यात आले आहेत व प्रत्यक्ष खोदाईचे काम सुरू केल्यानंतर ही बाब ग्रामस्थांच्या लक्षात आली. यावेळी ग्रामस्थांच्या वतीने हे काम थांबविण्यात आले. कंत्राटदार व्ही. ए. देशमुख या ठिकाणी आले. त्यांना ग्रामस्थांनी धारेवर धरले. रस्त्याची उंची मागणीनुसार करण्याचे नियोजन करू असे आश्वासन दिले होते ,मात्र प्रत्यक्ष काम सुरू केल्यामुळे ग्रामस्थ आक्रमक झाले.
यावेळी चंद्रकांत पाटील, वाकरेचे उपसरपंच धनाजी पाटील, संजय पाटील, खुपिरेचे उपसरपंच सागर पाटील, सदस्य विजय पाटील, सचिन कुंभार, युवराज पाटील, संग्राम मोरे, शुभम चौगले ,विक्रम सुतार व ग्रामस्थ उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.