करवीर महोत्सवात खेळ पैठणीच्या
विजेत्यास एक लाखाची पैठणी
संताजी घोरपडे ; ७ ते १० जूनअखेर वाकरेत होणार
कुडित्रे, ता. ६ : महिलांच्या कलागुणांना वाव देण्यासाठी करवीर महोत्सवांमध्ये विविध उपक्रम होणार आहेत. यातीलच ‘एक खेळ पैठणीचा’ या पक्रमात विजेत्या महिलेला एक लाखाची पैठणी बक्षीस देण्यात येणार असल्याचे व्हिजन चॅरिटेबल ट्रस्टचे अध्यक्ष संताजी घोरपडे यांनी सांगितले. ७ ते १० जून असे चार दिवस वाकरे फाटा येथे हा द्वितीय वर्षाचा करवीर महोत्सव होईल.
घोरपडे म्हणाले, ‘दहा एकर भव्य प्रांगणात होणाऱ्या करवीर महोत्सवात महिला बचत गटांना प्रोत्साहन देण्यासाठी मोफत स्टॉल दिले आहेत. सांस्कृतिक कार्यक्रमांसह करमणुकीचे कार्यक्रम, लहान मुलांसाठी फनफेअर, झिम्मा-फुगडी, खेळ पैठणीचा, वेशभूषा, नृत्य आदी स्पर्धांसह लघुनाटकांबरोबर विठ्ठल तात्यासाहेब वासकर महाराज यांचे कीर्तन, विजयालक्ष्मी शिरगावकर यांचे प्रवचन प्रवचन व जागर असे धार्मिक कार्यक्रमही होतील. तरुणींसाठी रांगोळी, मेंदी, कुकिंग, रेकॉर्ड डान्स स्पर्धा होतील. महिलांनी करवीर महोत्सवात सहभाग नोंदवून आनंद व व्यवसायवृद्धी करावी, असे आवाहन संताजी घोरपडे यांनी पत्रकार परिषदेत केले. यावेळी डॉ. संगीता निंबाळकर, हिंदूराव पाटील, शिवाजी तोडकर, संदीप पाटील, बाबासाहेब पाटील, धनाजी चुयेकर, अनिल पाटील, युवराज पाटील, बाळासाहेब पाटील, तानाजी वातकर उपस्थित होते. प्रा. ए. डी. पाटील यांनी आभार मानले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.