अमृतनगर येथे व्हिडीओ पार्लरवर छापा
कोडोली, ता. ६ : अमृतनगर (ता. पन्हाळा) येथे व्हिडीओ पार्लरवर कोडोली पोलिसांनी छापा टाकला. यावेळी जुगार खेळणाऱ्यांना पकडण्यात आले. व्हिडीओ गेम मशिन, रोकडसह ४८,२०० रुपयांचा मुद्देमाल जप्त करण्यात आला. या प्रकरणी मालक व चालक यांच्याविरुद्ध कोडोली पोलिस ठाण्यात शुक्रवारी मध्यरात्री गुन्हा दाखल करण्यात आला. या बाबतची फिर्याद कॉन्स्टेबल अजिंक्य जाधव यांनी दाखल केली आहे.
याबाबत पोलिसांकडून मिळालेली माहिती अशी, अमृतनगर येथे व्हिडीओ पार्लरमध्ये जुगार चालविला जात असल्याची माहिती मिळाल्याने पोलिसांनी शुक्रवारी रात्री छापा टाकला. यावेळी व्हिडीओ पार्लर गेमचे लायसन्स नसताना तीन व्हिडीओ गेमची मशिन बसवून जुगार खेळला जात असल्याचे दिसून आले. या प्रकरणी मालक तुषार विजय चिकुर्डेकर (कोडोली) व चालक नीलेश रघुनाथ पाटील (माले, ता. पन्हाळा) या दोघांविरुद्ध गुन्हा दाखल करण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.