`राजाराम’ ची अध्यक्ष निवड ९ मेला
कोल्हापूर, ता. २ ः कसबा बावडा येथील छत्रपती राजाराम साखर कारखान्याच्या अध्यक्ष, उपाध्यक्षपदाची निवडणूक ९ मे रोजी होणार आहे. या कारखान्याच्या निवडणुकीनंतर होणारी संचालक मंडळाची बैठक बोलवण्यात आली आहे, त्याच्या नोटिसा संबंधितांना आज पाठवण्यात आल्या.
दरम्यान, अध्यक्षपदावर माजी आमदार अमल महाडिक यांना संधी मिळणार की अन्य कोणाला याविषयी उत्सुकता आहे. संचालक मंडळातील १४ नवे चेहरे पाहता पहिल्या एका वर्षासाठी दिलीप उलपे किंवा शिवाजी पाटील यांनाही संधी शक्य आहे.
‘राजाराम’ च्या नुकत्याच झालेल्या निवडणुकीत माजी आमदार महादेवराव महाडिक यांच्या नेतृत्त्वाखालील पॅनेलने सर्वच्या सर्व २१ जागा जिंकून कारखान्यावर निर्विवाद वर्चस्व मिळवले आहे. श्री. महाडिक व आमदार सतेज पाटील यांच्यादृष्टीने प्रतिष्ठेच्या ठरलेल्या या निवडणुकीत श्री. महाडिक यांनी बाजी मारली. आज निवडणूक निर्णय अधिकारी निलकंठ करे यांनी अध्यक्ष, उपाध्यक्ष निवडीचा कार्यक्रम जाहीर केला. ९ मे रोजी सकाळी दहा वाजता श्री. करे यांच्याच अध्यक्षतेखाली होणाऱ्या संचालक मंडळाच्या बैठकीत या निवडी होतील. अध्यक्ष, उपाध्यक्षपदाची संधी कोणाला मिळणार हे त्यादिवशीच ठरेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.