11364
कोल्हापूर : डॉ. कोठाडिया यांचे स्वागत करताना ‘होली क्रॉस’च्या हेडमिस्ट्रेस जेसी जेम्स सिस्टर.

‘होलीक्रॉस’मध्ये पर्यावरणीय लघुपट संवाद
कोल्हापूर : पर्यावरण दिवस दररोजच साजरा करायला हवा, असे प्रतिपादन डॉ. अनमोल कोठाडिया यांनी केले. होली क्रॉस कॉन्व्हेन्ट हायस्कूलमधील विद्यार्थिनींना मार्गदर्शन करताना ते बोलत होते. पर्यावरणाबाबत छोट्या-छोट्या बाबी अमलात आणणे महत्त्वाचे, असे सांगताना त्यांनी स्वतःच्या सायकल चालविण्याचे उदाहरण समोर ठेवले. या वेळी त्यांनी ‘कोलाज’ हा कोल्हापूरच्याच तरुणांनी बनवलेला लघुपट दाखविला आणि संवाद साधला. याशिवाय ‘द स्टोरी ऑफ स्टफ’ हा माहितीपटही दाखविला. शाळेच्या हेडमिस्ट्रेस जेसी जेम्स सिस्टर यांनी स्वागत केले. पूर्वा परांडेकर यांनी समन्वयक म्हणून काम पाहिले. आस्था सिन्हा यांनी सूत्रसंचालन केले. पंखुरी पवार यांनी आभार मानले.