gad105.jpg
15206
गडहिंग्लज : रवळनाथ हौसिंग सोसायटीतर्फे एम. एल. चौगुले यांनी गुरुनाथ रणे यांच्याकडे देणगीचा धनादेश सुपूर्द केला. याप्रसंगी रवळनाथचे पदाधिकारी उपस्थित होते.
----------------------------
बसस्थानक सुशोभीकरणासाठी
‘रवळनाथ’कडून २५ हजार
गडहिंग्लज, ता. १० : येथील बसस्थानकाच्या सुशोभीकरणासाठी रवळनाथ हौसिंग फायनान्स सोसायटीतर्फे २५ हजारांची देणगी दिली. आगार व्यवस्थापक गुरुनाथ रणे यांच्याकडे देणगीचा धनादेश सुपूर्द केला.
महाराष्ट्र राज्य परिवहन महामंडळातर्फे हिंदुहृदयसम्राट बाळासाहेब ठाकरे स्वच्छ सुंदर बसस्थानक अभियान राबवले जात आहे. यात गडहिंग्लज बसस्थानकाचाही समावेश आहे. रवळनाथ सोसायटीतर्फे बसस्थानकात फरशी बसवण्यासाठी २५ हजार रुपयांची देणगी दिली. रवळनाथचे अध्यक्ष एम. एल. चौगुले यांनी देणगीचा धनादेश श्री. रणे यांना दिला. देणगी दिल्याबद्दल श्री. रणे यांनी कृतज्ञता व्यक्त केली.
गडहिंग्लज आगाराचे लेखापाल अनिल पाटील, रवळनाथचे संचालक आर. एस. निळपणकर, महेश मजती, रेखा पोतदार, सीईओ डी. के. मायदेव, व्यवस्थापक शिवानंद घुगरे, प्रशासनाधिकारी सागर माने, जनसंपर्क अधिकारी बाबासाहेब मार्तंड आदी उपस्थित होते. संचालक डॉ. दत्ता पाटील यांनी प्रास्ताविक केले. उपाध्यक्ष प्रा. व्ही. के. मायदेव यांनी आभार मानले.