दोन मोबाईल हॅण्डसेटची चोरी

कोल्हापूरः मध्यवर्ती बसस्थानक आणि लक्ष्मीपुरी भाजी मार्केट परिसरातून दोन मोबाईल हॅण्डसेटची चोरी झाल्याची नोंद पोलिस ठाण्यात झाली आहे. मध्यवर्ती बसस्थानक परिसरातून चोरट्याने संभाजीनगरातील महेश शामराव राणे यांचा मोबाईल हॅण्डसेट ११ ऑगस्टला लंपास केला. त्याची फिर्याद त्यांनी शाहूपुरी पोलिस ठाण्यात दिली. तर फुलेवाडी येथील श्रीराम बाळासाहेब देसाई हे रविवारी आठवडी बाजारासाठी सायंकाळी लक्ष्मीपुरीत गेले असताना भाजी खरेदी करताना चोरट्याने त्यांच्या खिशातील मोबाइल हॅण्डसेट लंपास केला. याची फिर्याद त्यांनी लक्ष्मीपुरी पोलिस ठाण्यात दिली.
...
केबलची दुरुस्ती करताना कामगार जखमी
गांधीनगरः घराच्या टेरेसवर केबलची दुरुस्ती करताना शॉक लागून कामगार जखमी झाला. बबन महादेव कुंभार (वय ५२, रा. वसगडे, ता. करवीर) असे जखमीचे नाव आहे. चिंचवाड (ता. करवीर) येथे सोमवारी सकाळी साडेअकराच्या सुमारास ही घटना घडली. त्यांच्या हाताला दुखापत झाली आहे. त्यांना सीपीआरमध्ये दाखल केले आहे.