37842
वार्षिक निरंकारी संत समागमाची
कोल्हापुरात तयारी सुरू
कोल्हापूर, ता. १३ ः संत निरंकारी आध्यात्मिक स्थळ समालखा येथे निरंकारी मिशनचा 76 वा वार्षिक
निरंकारी संत समागम यंदा शनिवार (ता. २८) पासून सुरू होणार आहे. सोमवार (ता. ३०) पर्यंत चालणाऱ्या या समागममध्ये सद्गुरू माता सुदीक्षाजी महाराज आणि निरंकारी राजपिता यांची उपस्थिती असेल.
समागम म्हणजे संतांचा पवित्र संगम, या दैवी सोहळ्याची जय्यत तयारी निरंकारी भक्तांकडून केली जात आहे. जिकडे पाहावे तिकडे हजारो भक्त नि:स्वार्थपणे आपली सेवा करत आहेत. त्यामध्ये मुंबईहून सुमारे आठ हजार तर उर्वरित महाराष्ट्रातून सुमारे सात हजार स्वयंसेवकांचा समावेश आहे. समागमासाठी येणाऱ्या संतांच्या राहण्याच्या व्यवस्थेसाठी तंबू उभारण्यासारखी अनेक सेवाकार्य सेवादारांकडून सुरू आहे.
समागम स्थळावर मुख्य सत्संग पंडालच्या व्यतिरिक्त अधिक संख्येने निवासी टेंट उभारण्यात येत आहेत. 76 व्या वार्षिक निरंकारी संत समागमात संपूर्ण भारत तथा देश विदेशातून लाखोंच्या संख्येने येणाऱ्या भाविकांसाठी व्यवस्था करण्यात येत आहे. निरंकारी सेवादलाचे बंधू आणि भगिनी निळा आणि खाकी गणवेश परिधान करून, रेल्वे स्थानक, बसस्थानक आणि विमानतळावर येणाऱ्या सर्व भाविकांचे स्वागत करताना आणि त्यांना त्यांच्या पूर्वनिश्चित निवासस्थानी नेण्याची व्यवस्था करताना दिसणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.