वार्षिक परिषदेच्या पूर्वसंध्येला
सायकियाट्रिक सोसायटीतर्फे शोभायात्रा
सकाळ वृत्तसेवा
कोल्हापूर; ता. १३ ः इंडियन सायकियाट्रिक सोसायटी (वेस्टर्न झोन) ची ५४ वी वार्षिक परिषद उद्या शनिवार (ता. १४) येथे होत आहे. या निमित्ताने शहरातून शोभायात्रा काढण्यात आली. कावळा नाका ते ताराबाई पार्क भागातूनही फेरी काढली.
कोल्हापूर सायकियाट्रिक सोसायटी आणि डॉ. डी. वाय. पाटील मेडिकल कॉलेज कोल्हापूर यांच्या सहकार्याने वैद्यकीय परिषद होत आहे. यानिमित्ताने शोभायात्रा झाली. मानसोपचाराची लक्ष दिसताच मानसोपचार तज्ञांचा सल्ला वेळीच घ्यावा. मानसोपचार तज्ञांचा सल्ला घेतला याचा अर्थ वेड लागले असा गैरसमज करून घेऊ नये. काही आजार समपुदेशनातून व थोडक्याच उपचारातून बरे होतात. त्यामुळे मानसोपचार तज्ञांकडे जाण्याचे टाळू नका, असा संदेश शोभा यात्रेव्दारे दिला. मानसोपचार शिक्षण घेणारे विद्यार्थी, परिचारिका स्वयंसेवक यांनी शोभायात्रेत सहभाग घेतला.
या परिषदेस देशभरातील ४०० हून अधिक मानसोपचार तज्ञ उपस्थिती राहतील. परिषदेत मनोविकारांचे बदलते स्वरूप, नव्या उपचारपद्धती, मुलांमधील मानसिक आजार, आदींवर तज्ञांची व्याख्याने होतील. मानसिक स्वास्थ शास्त्रज्ञ डॉ. अमरेश श्रीवास्तव, डॉ. श्री लक्ष्मी, डॉ. इरा दत्ता, डॉ. पल्लवी ढाकणे, डॉ. अविनाश डिसूजा, डॉ. भूषण शुक्ल, डॉ. अरमान पांडे, डॉ. तुषार भट, डॉ. ज्योती शेट्टी मार्गदर्शन करतील. मानसोपचारतज्ज्ञ डॉ. निखील चौगुले व डॉ. विशाल पाटील डॉ. सिमोन आवळे, डॉ. देवव्रत हर्षे, डॉ. स्नेहा हर्षे, डॉ. योगेश कुलकर्णी, डॉ. धनंजय पाटील आदी संयोजन करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.