बंद फ्लॅटचा दरवाजा उचकटून
दीड लाखांचा ऐवज पळविला
सकाळ वृत्तसेवा
कोल्हापूर, ता. २५ : राजारामपुरी ४ थी गल्ली येथील बंद फ्लॅटचा दरवाजा उचकटून दीड लाखांचा ऐवज चोरट्यांनी पळविला. सचिन रामचंद्र पाटील (वय ४४, रा. यश रेसिडेन्सी, राजारामपुरी) यांनी याबाबत राजारामपुरी पोलिस ठाण्यात फिर्याद दिली. दोन मंगळसूत्रे, अंगठ्या, कर्णफुले आणि रोख १० हजार रुपये असा ऐवज चोरून नेल्याचे फिर्यादीत म्हटले आहे.
मंगळवारी (ता. २३) सकाळी फिर्यादी सचिन पाटील हे फ्लॅट बंद करून बाहेर गेले होते. दुपारी दोनच्या सुमारास परतले असता फ्लॅटचा दरवाजा उचकटल्याचे दिसले. बेडरूममध्ये जाऊन पाहिले असता कपाटात ठेवलेले दागिने आणि रोख १० हजार रुपये चोरीस गेल्याचे दिसले. त्यांनी याची माहिती पोलिसांना देताच राजारामपुरी पोलिसांनी घटनास्थळी जाऊन पंचनामा केला. परिसरातील सीसीटीव्ही फुटेजची पाहणी करण्यात आली. या मिळालेल्या माहितीटच्या आधारे तपास सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.