gad29.jpg ः भरमा चौगुले 81101
------------------------------------
दुंडगे पुलावर अपघातात
मुगळीतील एक जण ठार

सकाळ वृत्तसेवा
गडहिंग्लज, ता. ७ ः संकेश्वर-बांदा महामार्गावरील दुंडगे (ता. गडहिंग्लज) येथील पुलावर झालेल्या मोटरसायकल अपघातात एक जण जागीच ठार झाला, तर एक गंभीर जखमी आहे. दोघेही तालुक्यातील मुगळी गावचे आहेत.
भरमा कल्लाप्पा चौगुले (वय ५५) असे मृताचे नाव आहे. रामू चौगुले (वय ६३) हे जखमी असून त्यांच्यावर खासगी दवाखान्यात उपचार सुरू आहेत. याबाबतची माहिती अशी की, बेकनाळ (ता. गडहिंग्लज) येथील श्री लक्ष्मी देवीची बुधूवारी (ता. १) भर यात्रा होती. हे दोघेही मोटरसायकलने यात्रेला गेले होते. जेवून ते सायंकाळी मुगळी गावाकडे जात होते. रामू चौगुले मोटरसायकल चालवित होते. सव्वा सहाच्या सुमारास दुंडगे पुलावरून जाताना मोटरसायकलवरील त्याचा ताबा सुटला. यामुळे मोटरसायकलीसह ते दोघेही कोसळले. त्यात मागे बसलेल्या भरमाच्या डोकीला जबर मार लागल्याने मोठा रक्तस्त्राव झाला. त्यात ते जागीच ठार झाले. रामूच्याही डोकीला व पायाला गंभीर दुखापत झाली आहे. त्याला तातडीने खासगी दवाखान्यात दाखल केले आहे.