82854
कोल्हापूर ः छत्रपती शाहू स्टेडियमवर शिवशाहू रायझिंग स्टार्स फुटबॉल स्पर्धेचे उद्‍घाटन यशराजराजे छत्रपती यांनी फुटबॉलला किक मारून केले.
...........
कोल्हापूरसह गडहिंग्लज युनायटेडची विजयी सलामी

शिवशाहू रायझिंग स्टार्स फुटबॉल स्पर्धा ः चौदा, सोळा वर्षांखालील संघांचा समावेश

सकाळ वृत्तसेवा
कोल्हापूर, ता. १० ः शिवशाहू रायझिंग स्टार्स फुटबॉल स्पर्धेत कोल्हापूरसह गडहिंग्लज युनायटेड स्कूल आदी संघांनी विजयी सलामी देत पहिला दिवस गाजविला. स्पर्धेत चौदा व सोळा वर्षांखालील एकूण १६ संघांनी सहभाग नोंदविला आहे.
छत्रपती शाहू स्टेडियमवर सुरू झालेल्या या स्पर्धेत १६ वर्षांखालील कोल्हापूर (ड) विरुद्ध गडहिंग्लज युनायटेड स्कूल या संघांत पहिला सामना झाला. हा सामना गोलशून्य बरोबरीत राहिला, तर १४ वर्षांखालील गटात गडहिंग्लज युनायटेड फुटबॉल स्कूल व कोल्हापूर संघात झाला. या सामन्यांत गडहिंग्लजने कोल्हापूर संघाला १-० असे पराभूत केले. गडहिंग्लजच्या अलोक पाटीलने हा निर्णायक गोल केला.
स्पर्धेचे उद्‍घाटन यशराजराजे छत्रपती यांनी फुटबॉलला किक मारून केले. स्पर्धेविषयीची माहिती संयोजक शिवछत्रपती पुरस्कारप्राप्त शिवाजी पाटील यांनी दिली. यावेळी जयेश कदम, बन्सी चिपडे, डॉ. भरत कोटकर आदी उपस्थित होते. उदय पाटील यांनी स्वागत केले. किरण साळोखे यांनी आभार मानले.
............