फोटो- 83955
भाजप, एनडीए चारशे पार करणार
चंद्राबाबू नायडू; करवीर निवासिनी श्री अंबाबाईचे घेतले दर्शन
सकाळ वृत्तसेवा
कोल्हापूर, ता. १५ ः देशात भाजप आणि मित्र पक्षांसाठी सकारात्मक वातावरण आहे. त्यामुळे लोकसभा निवडणुकीत भाजप आणि एन.डी.ए.ला चारशेपेक्षा जास्त जागा मिळतील, असा दावा आंध्र प्रदेशचे माजी मुख्यमंत्री चंद्राबाबू नायडू यांनी केला. त्यांनी आज सपत्निक करवीर निवासिनी श्री अंबाबाईचे दर्शन घेतले. त्यानंतर त्यांनी प्रसारमाध्यमांशी संवाद साधला.
माजी मुख्यमंत्री चंद्राबाबू नायडू हे आज अकरा वाजण्याच्या सुमारास विमानतळावर आले. तेथून त्यांचा ताफा अंबाबाई मंदिर परिसरात आला. दक्षिण दरवाजातून ते मंदिरात गेले आणि देवीचे दर्शन घेतले. यावेळी पश्चिम महाराष्ट्र देवस्थान समितीचे व्यवस्थापक महादेव दिंडे यांनी त्यांचे स्वागत केले. त्यानंतर हक्कदार श्रीपूजकांनी नायडू यांच्या पत्नी नाराभुवनेश्वरी यांना साडी भेट दिली. यावेळी त्यांच्यासोबत आमदार पी. केशव आणि राघवेंद्र स्वामी मठाचे व्यवस्थापक के. रामराव हे उपस्थित होते.
मंदिरातून बाहेर आल्यावर त्यांनी प्रसारमाध्यमांशी संवाद साधला. यावेळी नायडू म्हणाले, ‘देवीचे दर्शन घेऊन समाधान वाटले. सर्वांना चांगले आरोग्य लाभावे, सर्वांना सुख मिळावे अशी कामना देवीकडे केली.’ येथून पुढे ते शिर्डीला रवाना झाले.
चंद्राबाबू नायडू यांचे स्वागत करण्यासाठी स्थायी समितीचे माजी अध्यक्ष आदिल फरास, माजी उपमहापौर महेश सावंत, परीक्षित पन्हाळकर, माजी नगरसेवक उत्तम कोराणे, सनाउल्ला थोडगे, ओंकार माने यांच्यासह कार्यकर्ते उपस्थित होते.
चौकट
आंध्र प्रदेशच्या भाविकांकडून चंद्राबाबूंचा जयघोष
मंदिरात आंध्र प्रदेशमधून भाविक दर्शनासाठी आले होते. सुरक्षेच्या कारणामुळे त्यांना लांब उभे राहावे लागले होते. त्यांना अचानक चंद्राबाबू नायडू दिसल्यावर त्यांनी चंद्राबाबूंच्या विजयाच्या घोषणा दिल्या. नायडू यांनीही त्यांना लांबून हात दाखवत अभिवादन केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.