84970
कोल्हापूर : शाहू महाराज हायस्कूलमधील स्नेहमेळाव्यात उपस्थित माजी विद्यार्थी, शिक्षक.
शाहू महाराज हायस्कूलमध्ये
माजी विद्यार्थ्यांचा स्नेहमेळावा
कोल्हापूर, ता. २३ : जुना बुधवार पेठमधील राजर्षी छत्रपती शाहू महाराज हायस्कूल व ज्युनिअर कॉलेज येथे १९९७/९८ शैक्षणिक वर्षातील माजी विद्यार्थ्यांचा स्नेहमेळावा झाला.
प्रवेशद्वाराजवळ शिक्षकांचे औक्षण करून आणि डॉ. बापूजी साळुंखे, संस्थामाता सुशीलादेवी साळुंखे यांच्या प्रतिमेचे पूजन झाले. सर्वांनी प्रार्थनेचे गायन केले. विद्या समितीचे अध्यक्ष श्रीराम साळुंखे यांनी स्वागत केले. विद्यार्थ्यांनी परिचय देऊन मनोगत व्यक्त केले. शाळेतील जुन्या आठवणींना उजाळा दिला. शिक्षक राम कणसे यांनी सर्वांनी शाळेच्या ऋणातून उतराई होण्यासाठी आवाहन केले. विद्यार्थ्यांनी शाळेसाठी स्मार्ट टीव्ही देणार असल्याचे जाहीर केले. २५ वर्षांपूर्वीच्या आठवणींना उजाळा देत आनंद व्यक्त केला. कणसे यांनी वर्गात सहजयोग ध्यानधारणा यावर एक तास घेतला. फनी गेम्स खेळले गेले. सर्वांनी स्नेहभोजनाचा आनंद घेतला.
माजी मुख्याध्यापिका श्रीमती इंदिराताई साळुंखे, अजितकुमार मोहिते, ए. डी. जाधव, एम. आर. ढेकळे, ए. एस. शेट्टी, आय. जी. शेख, बी. एन. बुकसटे, डी. जे. पाटील उपस्थित होते. पुणे, बंगळूर, मुंबई अशा ठिकाणांहून माजी विद्यार्थिनी उपस्थित होते. प्राचार्य जे. आर. जोशी यांनी शुभेच्छा दिल्या. संगीत शिक्षक महेश हिरेमठ यांनी गझल सादर केली. माजी विद्यार्थी अनंत गवंडी, संदीप चौगुले, नीतेश हंकारे, स्वाती डकरे यांनी नियोजन केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.