86725
कोल्हापूर ः छत्रपती शाहू स्टेडियमवर सुरू असलेल्या के.एस.ए. ‘सी’ डिव्हिजन लीग फुटबॉल स्पर्धेत बुधवारी नंगीवली तालीम मंडळ व बालगोपाल तालीम मंडळ यांच्यात झालेला टायब्रेकरमधील एक क्षण.
...............
मर्दानी आखाडासह नंगीवली, साई स्पोर्टस् विजयी
केएसए ‘सी’ डिव्हिजन लीग फुटबॉल स्पर्धा ः न्यू बिनधास्त, बालगोपाल, शाहूपुरी कुंभार स्पोर्टस् पराभूत
सकाळ वृत्तसेवा
कोल्हापूर, ता. २९ ः शाहू छत्रपती के.एस.ए. ‘सी’ डिव्हिजन लीग फुटबॉल स्पर्धेच्या बाद फेरीतील आज झालेल्या सामन्यात मर्दानी खेळाचा आखाडा (ए) ने न्यू बिनधास्त सांस्कृतिक क्रीडा मंडळचा, तर नंगीवली तालीम मंडळ संघाने बालगोपाल तालीम मंडळ (बी) चा आणि साई स्पोर्टस् फुटबॉल क्लबने शाहूपुरी कुंभार स्पोर्टस् संघावर मात केली. तिन्ही सामनेछत्रपती शाहू स्टेडियमवर झाले.
सकाळच्या सत्रात पहिला सामना मर्दानी खेळाचा आखाडा (ए) व न्यू बिनधास्त सांस्कृतिक क्रीडा मंडळ यांच्यात झाला. अत्यंत अटीतटीच्या लढतीत संपूर्ण वेळेत हा सामना गोलशून्य बरोबरीत राहीला. त्यामुळे सामन्याच्या निकालासाठी पंचांनी टायब्रेकरचा अवलंब केला. त्यात टायब्रेकमध्ये चार-चार अशी समान स्थिती झाली. सडनडेथवर सामन्यात मर्दानी खेळाचा आखाडा (ए) ने एक विरुद्ध शून्य अशी बाजी मारत हा सामना जिंकला.
दुसरा सामना नंगीवली तालीम मंडळ व बालगोपाल तालीम मंडळ (बी) या दोन संघांत झाला. सामन्याच्या सुरुवातीपासूनच दोन्ही संघांनी एकमेकांच्या गोलक्षेत्रात जोरदार चढाया केल्या. मात्र, दोन्ही संघांच्या सजग बचावफळीने त्या परतवून लावल्या .संपूर्ण वेळेत हा सामना गोलशून्य बरोबरीत राहिल्याने सामन्याचा निकाल टायब्रेकरवर झाला. यात नंगीवली संघाने चार विरुद्ध दोन अशा गोलफरकाने सामना जिंकला.
तिसरा सामना साई स्पोर्टस् फुटबॉल क्लब व शाहूपुरी कुंभार स्पोर्टस् यांच्यात झाला. हा सामना साई स्पोर्टसने एक विरुद्ध शून्य गोलने जिंकला. हा एकमेव विजयी गोल साईच्या गणेश कांबळेने ४४ व्या मिनिटास मिळालेल्या पेनॅल्टी किकवर नोंदविला.
...............
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.