88015
...
चौकाचौकांत बेशिस्त वाहनांवर कारवाई
दोन्ही मतमोजणी केंद्रांवर पहाटेपासून कडेकोट पोलिस बंदोबस्त
सकाळ वृत्तसेवा
कोल्हापूर, ता. ४ ः निवडणुकीसाठी दोन्ही मतमोजणी केंद्रांवर पहाटेपासूनच कडेकोट पोलिस बंदोबस्त नेमण्यात आला होता. दुपारी निकालाचा कल समजताच दुचाकींवरून समर्थक जल्लोष करताना दिसून आले. सायलेन्सर काढलेली वाहने पकडून त्यांच्यावर कारवाई करण्यात आली. चौकाचौकांत थांबलेल्या पोलिसांनी कारवाई केली. दरम्यान, वायरलेस यंत्रणेवर वेळेत प्रतिसाद न दिल्याने पाच पोलिसांवर तोंडी निलंबनाची कारवाई करण्यात आली.
निवडणूक निकालासाठी एक हजार पोलिस, १५०० होमगार्ड, राज्य राखीव दलाच्या चार तुकड्या असा बंदोबस्त नेमण्यात आला होता. मंगळवारी पहाटेपासून रमणमळा येथील शासकीय धान्य गोडावून तसेच राजाराम तलाव येथील हातकणंगले मतदारसंघ मतमोजणी केंद्राबाहेर पोलिस तैनात होते. या परिसरात वाहनांना शिरकाव करण्यास मनाई करण्यात आली होती. पर्यायी मार्गांवरून वाहतूक वळविण्यात आल्याने वाहतूक कोंडी झाली नाही.
...
निकालानंतर बंदोबस्तात वाढ
निकालाचे चित्र स्पष्ट होताच नवीन राजवाडा, रुईकर कॉलनी येथील विजयी उमेदवारांच्या घरासमोर गर्दी वाढू लागली. हुल्लडबाजी करणाऱ्यांवर पोलिसांना कारवाईचा बडगा उगारला होता. मिरवणुकांना मनाई असल्याने सर्वच चौकांमध्ये बंदोबस्त वाढविण्यात आला होता.
...
सायलेन्सर काढणाऱ्यांवर कारवाई
विजयी उमेदवारांच्या समर्थकांनी दुचाकींचे सायलेन्सर काढून वाहने फिरविण्याचे प्रकार दिसून आले. मुख्य चौकात तैनात पोलिसांनी अशा वाहनांवर कारवाई केली. शहर वाहतूक शाखेकडून काही वाहनांचे सायलेन्सरही जप्त करण्यात आले.
...
पाच पोलिसांचे तात्पुरते निलंबन
निवडणूक बंदोबस्ताबाबत वरिष्ठांनी वायरलेस यंत्रणेवरून दिलेल्या सूचनांना प्रतिसाद न दिल्याचा ठपका ठेवत पाच पोलिसांचे तात्पुरते निलंबन करण्यात आले. सोमवारी रात्री हा संदेश देण्यात आला होता. मात्र, संबंधितांनी याला प्रतिसाद दिला नव्हता. या कर्मचाऱ्यांना तातडीने पोलिस मुख्यालयात बोलावून समज देण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.