ए, बी वॉर्डात
कमी दाबाने पाणी
सहा टँकरच्या १४ फेऱ्यांनी पाणीपुरवठा
कोल्हापूर, ता. ६ ः क्रॉस कनेक्शनचे काम झाल्यानंतर ए, बी वॉर्डमधील पाणीपुरवठा बुधवारी रात्रीपासून सुरू झाला तरी आजही अनेक भागात कमी दाबाने पाणी मिळाले. त्यामुळे दिवसभरात सहा टँकरच्या १४ फेऱ्यांनी विविध भागांत पाणीपुरवठा करण्यात आला.
तपोवन मैदानातील काम पूर्ण झाल्यानंतर बुधवारी रात्रीपासून पाणीपुरवठा सुरू करण्यात आला. जलवाहिनीला नुकतेच वेल्डिंग केले असल्याने पूर्ण दाबाने पाणी सोडलेले नाही. परिणामी अनेक भागात कमी दाबाने मिळाले. काही ठिकाणी अतिशय कमी पाणी आले. यामुळे आज दिवसभरात टॅंकर मागवले जात होते. सहा टॅंकरनी ए, बी वॉर्डमधील विविध भागात १४ फेऱ्या केल्या. जरगनगरसारख्या उंचावरील भागातही पाण्याचा ठणठणाट जाणवला. त्याबाबत तक्रारी केल्या जात होत्या. आज सुरळीत पाणीपुरवठा केला जात असून शुक्रवारपासून सर्व भागांत योग्य दाबाने पाणी मिळेल, असे पाणीपुरवठा विभागाच्या वतीने सांगण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.