आंतरराष्ट्रीय बाल कामगारविरोधी
दिवसानिमित्त शासनातर्फे आवाहन
कोल्हापूर : आंतरराष्ट्रीय बालकामगार विरोधी दिनानिमित्त बुधवारी (ता. १२) जिल्ह्यातील आस्थापना, दुकाने, कारखाने आणि अन्य व्यावसायिकांना शासनातर्फे आवाहन केले आहे. यामध्ये सहाय्यक कामगार आयुक्त वि. वि. घोडके म्हणाले, ‘‘बाल आणि किशोरवयीन कामगार अधिनियम २०१६ नुसार १४ वर्षाखालील बालकांना कामावर ठेवणे. तसेच १४ ते १८ वयोगटातील किशोरवयीन मुलांना धोकादायक उद्योग आणि प्रक्रियामध्ये कामावर ठेवणे हा गुन्हा आहे. मालकाने आणि नियुक्ती करणाऱ्याने बालक अथवा किशोरवयीन मुलास कामावर ठेवल्यास त्यांना २०,००० रुपये ते ५०,००० रुपयांपर्यंत दंड, सहा महिने ते दोन वर्षांपर्यंत कारावास होऊ शकतो किंवा दोन्हीही शिक्षा होऊ शकते. जिल्ह्यामध्ये कोणत्याही आस्थापनेमध्ये १४ वर्षाखालील बालकास अथवा धोकादायक उद्योग, प्रक्रियामध्ये १८ वर्षाखालील किशोरवयीन बालकांस कामावर ठेवल्याचे निर्दशनास आल्यास सहाय्यक कामगार आयुक्त, ५७९, ई, व्यापारी पेठ, शाहूपुरी येथे संपर्क साधावा.’’
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.