‘आयजीएम’मध्ये अतिसार नियंत्रण पंधरवडा
इचलकरंजी, ता. ८ : अतिसारामुळे होणारे बालमृत्यू शून्य करणे हे उद्दिष्ट समोर ठेवून राज्यात ६ ते २१ जून २०२४ या कालावधीत विशेष अतिसार नियंत्रण पंधरवडा राबविण्यात येत आहे. या पार्श्‍वभूमीवर इंदिरा गांधी सामान्य रुग्णालयात (आयजीएम) याबाबतचे प्रशिक्षण देण्यात आले. रुग्णालयातील बालरोगतज्ज्ञ डॉ. संदीप मिरजकर यांनी रुग्णालयातील परिसेविका यांना मार्गदर्शन केले. यावेळी निवासी वैद्यकीय अधिकारी डॉ. अमित सोहनी, डॉ. प्रकाश मोरे, सहायक अधिसेविका सीमा कदम यांच्यासह कर्मचारी उपस्थित होते. राष्ट्रीय आरोग्य अभियानाचे अर्भकमृत्यू व बाल मृत्यू दर कमी करणे हे प्रमुख उद्दिष्ट आहे. देशात ५ वर्षांपर्यंतच्या बालकांच्या मृत्यूमागे अतिसार हे प्रमुख कारणापैकी एक असून ५ ते ७ टक्के बालके अतिसारमुळे दगावतात. विशेषत: पावसाळ्यात बालमृत्यूचे प्रमाण जास्त असते. हे कमी करण्यासाठी प्रयत्न सुरू आहेत.