89555
मंत्री चंद्रकांत पाटील यांनी
केले वाढदिवसानिमित्त वृक्षारोपण
शेंडा पार्कमध्ये राबविला उपक्रम
सकाळ वृत्तसेवा
कोल्हापूर, ता. ११ ः उच्च व तंत्रशिक्षणमंत्री चंद्रकांत पाटील यांनी वाढदिवसानिमित्त राज्यात ६५ हजार झाडे लावण्याचा संकल्प केला आहे. जिल्ह्यातील याची सुरुवात आज शेंडा पार्कमध्ये वृक्षारोपण करून झाली. मंत्री पाटील आणि त्यांच्या पत्नी अंजली यांनी करंजीचे झाड लावून उपक्रमाचा प्रारंभ केला. वृक्षप्रेमी वेल्फेअर संस्थेचे अमोल बुढ्ढे यांनी कार्यक्रमाचे आयोजन केले होते.
याप्रसंगी मंत्री चंद्रकांत पाटील म्हणाले, ‘‘प्रत्येक वाढदिवस समाजोपयोगी व्हावा यासाठी विविध उपक्रम राबवले जातात. यंदा राज्यात ६५ हजार झाडे लावण्याचा संकल्प आहे. पुणे, सोलापूर, जळगाव, कोल्हापूर जिल्ह्यांत वृक्षारोपणास सुरुवात झाली असून पुण्यात साडेसहा हजार झाडे लावली. यामध्ये प्रत्येकाने सहभागी व्हावे. झाडे जगवण्यासाठी दानशूर व्यक्तींनी पुढे येऊन टँकरची सुविधा उपलब्ध करून द्यावी. जागतिक तापमानवाढ समस्येच्या पार्श्वभूमीवर वृक्षारोपण करणे आवश्यक आहे.’’ या प्रसंगी मंत्री पाटील यांनी करंजीच्या झाडाचे रोप लावले. यावेळी भाजप जिल्हाध्यक्ष विजय जाधव, प्रदेश कार्यकारिणी सचिव महेश जाधव, राहुल चिकोडे, हर्षद कुंभोजकर, राजसिंह शेळके, रुपाराणी निकम, आशीष ढवळे, अशोक देसाई, संदीप देसाई, माणिक पाटील-चुयेकर, राजू जाधव, संग्राम निकम, संपतराव पवार यांच्यासह कार्यकर्ते मोठ्या संख्येने उपस्थित होते.
चौकट
भाजप कार्यालयात स्वीकारणार शुभेच्छा
मंत्री चंद्रकांत पाटील बुधवारी (ता. १२) दुपारी ४ ते रात्री ८ या कालावधीत नागाळा पार्क येथील भाजप कार्यालयात वाढदिवसाच्या शुभेच्छा स्वीकारणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.