गांजा विक्रेत्याला
दोन दिवस कोठडी
कोल्हापूर : लक्ष्मीपुरी पोलिसांनी अटक केलेला गांजा विक्रेता अमित शंकर चौगले (वय ३२, रा. लक्षतीर्थ वसाहत) याच्यासह गांजा ओढताना मिळून आलेल्या तिघांनी गुरुवारी न्यायालयात हजर केले. तिघांनाही दोन दिवसांची पोलिस कोठडी सुनावण्यात आली. तसेच त्याला गांजा पुरविणाऱ्याचा शोधही पोलिसांकडून सुरू असल्याचे पोलिस निरीक्षक दिलीप पवार यांनी सांगितले.
...
महाविद्यालयांबाहेर
रोडरोमिओंवर कारवाई
कोल्हापूर : शहरातील महाविद्यालये सुरू झाली असून, पोलिसांनीही रोडरोमिओंवर कारवाईचा बडगा उगारला आहे. गुरुवारी दसरा चौक, शिवाजी पेठ परिसरातील महाविद्यालयांबाहेर निर्भया पथकाने ही कारवाई केली. विनाओळखपत्र महाविद्यालय आवारात फिरणारे, ट्रिपल सीट, भरधाव वाहने चालविण्याऱ्यांवरही कारवाई करण्यात आली. याकामी स्थानिक पोलिसांचीही मदत घेण्यात येत असून, यापुढे कारवाई अधिक तीव्र करण्यात येणार असल्याचे निर्भया पथकाच्या अधिकाऱ्यांनी सांगितले.
...
स्टेशन रोडवर पोलिसांचा बंदोबस्त
कोल्हापूर : व्हीनस कॉर्नर, स्टेशन रोड, रेल्वे स्टेशन, परीख पूल परिसरात वेश्या व्यवसायामुळे होणाऱ्या गर्दीमुळे सर्वसामान्य वाहनधारकही त्रस्त झाले होते. बुधवारी रात्री शिवसेनेच्यावतीने या महिलांना पिटाळून लावण्यात आले. यामुळे मोठा गोंधळ उडाला होता. गुरुवारी शाहूपुरी पोलिसांनी व्हिनस कॉर्नर ते दाभोळकर कॉर्नर परिसरात थांबणाऱ्या अशा महिलांना हाकलून लावले. तसेच मुख्य चौकांमध्ये रात्री उशिरापर्यंत पोलिस तैनात होते.