आजऱ्यात
९० हेक्टरवर होणार
रब्बीची लागवड

आजरा ः तालुक्यात ९० हेक्टर क्षेत्रावर रब्बी पिकांची लागवड होणार आहे. यामध्ये ५० हेक्टर इतके हरभऱ्याचे सर्वाधिक क्षेत्र आहे. २२ हेक्टरवरील पेरणी पूर्ण झाल्या आहेत.
तालुक्यात थंडी बरोबर रब्बी हंगामालाही सुरवात झाली आहे. त्यामुळे शेतकरी रब्बी पिकांच्या लागवडीकडे वळला आहे. यंदा तालुक्यात ९० हेक्टवर रब्बी पिकांची लागवड होणार आहे. यामध्ये हरभरा या पिकाची लागवड सर्वाधिक ५० हेक्टवर होणार आहे. ज्वारीची २० हेक्टरवर तर वाटाणा व मसुर या पिकांची प्रत्येकी १० हेक्टरवर होणार आहे. शेतकरी भात पिकाच्या सुगीतून मोकळा होत आहे. तो आता रब्बी पिकाच्या लागवडीकडे वळला आहे. तालुक्यात २२ हेक्टवर रब्बी पिकांची लागवड झाली आहे. उतूर व पूर्व भागात मोठ्या प्रमाणात रब्बी पिकांची लागवड होत आहे. पश्चिम भागात रब्बी पिकांची लागवड तुरळक प्रमाणात होणार आहे. तालुक्यात बहिरेवाडी, सुळे, लाकूडवाडी या गावात रब्बीचे क्षेत्र अधिक आहे. वन्यप्राण्यांचा उपद्रव, ऊस पिकामुळे रब्बी पिकाचे क्षेत्र घटले आहे. वीस वर्षापूर्वी तालुक्यात दोन हजार हेक्टर इतके क्षेत्र होते. आता ते पाच टक्क्यावर आले आहे.