00592
कोतोलीत हनुमान यात्रा उत्साहात
दर्शनासाठी भाविकांची गर्दी; अभिषेक, मिरवणुकीसह विविध कार्यक्रम
सकाळ वृत्तसेवा
कोतोली ता. १३ : कोतोली (ता. पन्हाळा) येथील हनुमान यात्रा अक्षय तृतीयेनंतर येणाऱ्या पहिल्या शनिवारी होत असते. ही यात्रा यावर्षी शनिवारी (ता. ११) व रविवारी (ता. १२) मोठ्या उत्साहात झाली. शनिवारी यात्रेच्या पहिल्या दिवशी सकाळी ग्रामदैवत हनुमान मूर्तीस अभिषेक घालून त्यानंतर काकड आरती करण्यात आली. यात्रेच्या मुख्य दिवशी दिवसभर हजारो भक्तांनी देवाच्या दर्शनासाठी मंदिरामध्ये गर्दी केली होती.
उपसरपंच अजित पाटील यांच्या हस्ते सायंकाळी महाआरती करण्यात आली. महाआरतीवेळी मंदिर भक्तांनी भरून गेले होते. यावेळी ग्रामपंचायत सदस्य, विविध संस्थांचे पदाधिकारी यांच्यासह सुभाष पाटील, सरदार पाटील, सज्जन पाटील, अरुण पाटील, संदीप चौगुले, सागर वरपे, बाबासो साळोखे, तानाजी शेलार, अभिजीत कोतोलीकर, मुख्य पुजारी रामानंद गुरव, संजय जोशी यांच्या प्रमुख उपस्थितीत पालखी सोहळा झाला.
हनुमानाचे विग्रह आकर्षक फुलांनी सजविलेल्या पालखीत विराजमान करून पालखी मरगाईच्या भेटीसाठी पारंपरिक वाद्यांच्या गजरात नेण्यात आली. यावेळी मंदिर परिसरात फटाक्यांची आताषबाजी केल्याने आसमंत उजळून निघाला होता. मंदिरावर आकर्षक विद्युतरोषणाई केल्यामुळे मंदिर आकर्षक दिसत होते. दरम्यान तरुण मंडळांच्या युवकांनी काढलेल्या मिरवणूका पहाण्यासाठी रात्री नऊपर्यंत हजारो नागरिकांनी मंदिर परिसरात गर्दी केली होती. कोतोलीत अलीकडे मान्यवर व्यक्तीचे निधन झाल्यामुळे ग्रामपंचायतीच्या वतीने शनिवारी होणारे मनोरंजनाचे कार्यक्रम आणि रविवारी होणारे कुस्तीचे मैदान रद्द केले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.