04223

नळ पाणीपुरवठा योजनेचा
सावर्डे बुद्रुकला प्रारंभ

५ कोटींची योजना; सुहासिनीदेवी घाटगेंची उपस्थिती

म्हाकवे, ता. ९ : सावर्डे बुद्रुक (ता. कागल) येथे जलजीवन मिशन कार्यक्रमाअंतर्गत मंजूर झालेल्या ४ कोटी ९९ लाख ९१ हजार ३२४ रुपयांच्या नळपाणी पुरवठा योजनेचा प्रारंभ श्री छत्रपती शाहू साखर कारखाना चेअरमन सुहासिनीदेवी घाटगे यांच्या हस्ते झाला. कार्यक्रमाच्या अध्यक्षस्थानी सरपंच छाया हिरूगडे होत्या.
बिद्री संचालक बाबासाहेब पाटील म्हणाले, ‘जनतेने यापूर्वी अनेकांना संधी दिली आहे, त्याप्रमाणे अहोरात्र जनतेसाठी वाहून घेतलेल्या समरजितसिंह घाटगे यांना एकवेळ संधी देवून आमदार करावे. ते मतदारसंघाचा कायापालट करतील.’
गोविंद हिरूगडे यांनी स्वागत तर प्रास्ताविक प्रताप पाटील यांनी केले. माजी सरपंच रघुनाथ सिरसे, बाबूराव पाटील, शाहू साखरचे संचालक डी. एस. पाटील, सचिन मगदूम, भाऊसाहेब कांबळे, संचालिका रेखाताई पाटील यांनी मनोगत व्यक्त केले. कार्यक्रमास राजश्री चिंदगे, विलास अस्वले, म्हाकवेचे उपसरपंच धनाजी पाटील उपस्थित होते. विनायक हिरूगडे यांनी आभार मानले.

राजेंचे सहकार्य....
सावर्डे बुद्रुकला कायमपणे पिण्याच्या पाण्यासाठी संघर्ष करावा लागला. तीन पाणी योजना होऊनही गावाची तहान भागवू शकल्या नाहीत. त्यामुळे ही योजना मंजूर करून राजेंनी मोठे सहकार्य सावर्डे बुद्रुक ग्रामस्थांना केल्याचे भाजप किसान मोर्चा अध्यक्ष प्रताप पाटील यांनी सांगितले.