शेतीकामांना
यवलूजमध्ये वेग
माजगाव ः येथील शेतकरी प्रामुख्याने ऊसाचे पीक घेतात. खरिपात धूळवाफ पेरणी करून भाताचेसुद्धा पीक शेतकरी घेत असतात. सूर्यफूल, भुईमूग, मका पिकांची काढणी पूर्ण झाली आहे. काही प्रमाणात पावसामुळे धूळवाफ भात पेरणी खोळंबल्या आहेत. बहुतांशी ठिकाणी धूळवाफ भात पेरणी पूर्ण झाली आहे. काही दिवसांपासून या परिसरात वळीव पाऊस हुलकावणी देत होता. दीर्घ प्रतीक्षेनंतर अर्धा तास पाऊस जोरदार पडला. भाताच्या उगवणीसाठी तसेच ऊस पिकांसाठी हा पाऊस अत्यंत पोषक ठरला आहे. पावसाळा सुरू होण्यापूर्वीच्या शेती कामाला वेग आला आहे. ऊसाला रासायनिक खत टाकण्यात व तणनाशकांची फवारणी करण्यात शेतकरी व्यस्त आहे. अजूनही मोठ्या पावसाची प्रतीक्षा शेतकऱ्यांना आहे. पन्हाळा तालुक्यातील पडळ, यवलूज, सातार्डे, माजगाव, कसबा ठाणे, खोतवाडी, माळवाडी, देवठाणे, शिंदेवाडी आदी गावांत काही दिवसाच्या प्रतीक्षेनंतर मान्सूनपूर्व पावसाने हजेरी लावली. मान्सूनपूर्व पावसाने शेतकरी सुखावला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.