02142
रंकाळा ऑक्सिजन पार्कमध्ये स्वच्छता
झाडांची घेतली काळजी : ट्रॅक्टरभर प्लास्टिक गोळा

सकाळ वृत्तसेवा
फुलेवाडी, ता. ११ ः ऐतिहासिक रंकाळा तलाव परिसरात असलेल्या ऑक्सिजन पार्कमध्ये आज रंकाळाप्रेमींनी स्वच्छता मोहीम राबविली. प्लास्टिकसह इतर कचरा काढून सफाई करत झाडांची काळजी घेतली.

रंकाळा परिसरात अमृत हरित प्रकल्पांतर्गत मोठ्या प्रमाणात वृक्ष लागवड करण्यात आली आहे. चार वर्षांत झाडांची मोठी वाढ झाली आहे. रंकाळा काठ हिरवागार झाला आहे. रंकाळा ऑक्सिजन पार्क बनला आहे. फेब्रुवारी -मार्च महिन्यात झाडांची पानगळ मोठ्या प्रमाणात होते. रंकाळा परिसरात वृक्षारोपण केलेले ठिकाणी पानगळही मोठ्या प्रमाणात झाली होती. या ठिकाणी काहीजण पानांना आग लावण्याचा प्रकार करत होते. त्यामुळे रंकाळा प्रेमींनी झाडांच्या काळजीपोटी रंकाळा खण परिसरातील ऑक्सिजन पार्कमध्ये प्लास्टिक, बाटल्या, झाडांची पाने गोळा करून स्वच्छता मोहीम राबवली .यावेळी सुमारे ट्रॅक्टरभर प्लास्टिकचा कचरा गोळा करण्यात आला.
शेंडापार्क होऊ नये
शेंडा पार्क येथील वनसंपदेचे आगीमुळे मोठे नुकसान झाले. त्यामुळे रंकाळा पार्कचा शेंडा पार्क होऊ नये अशी चार दिवस जनजागृती करून रंकाळाप्रेमींनी स्वच्छता मोहीम राबवली.
स्वच्छता मोहिमेत रंकाळा संवर्धन संरक्षण समितीचे विजय सावंत, अभिजीत चौगुले, विकास जाधव, संजय मांगलेकर, सत्यजित सांगावकर ,यशवंत पाटील, धनंजय लिंगम, दीपक गायकवाड, किरण पडवळ, अशोक रोकडे, सुधीर राऊत, डॉ. देवेंद्र रास्कर, अमोल गायकवाड, प्रवीण वायचळ, पद्माकर रेळेकर, आनंदराव कोरे, सचिन ढणाल, इंद्रजीत सावंत, धोंडीराम चोपडे, राजेंद्र पाटील, स्वप्नील पाटील, गुंडोपंत जितकर, अमर सरनाईक सहभागी झाले होते.

चौकट
ठेकेदाराचे दुर्लक्ष
अमृत हरित प्रकल्पांतर्गत वृक्ष लागवड, संवर्धन करण्यात आले आहे. शहरात पाच ठिकाणी झाडे लावण्यात आली. त्याची देखभाल करण्यासाठी व उन्हाळ्यात पाणी घालण्यासाठी ठेकेदाराची नेमणूक केली आहे. रंकाळ्यावरील वृक्षसंपदेकडे मात्र संबंधितांचे पूर्णतः दुर्लक्ष झाले आहे. या ठिकाणी झाडांना पाणी देणे आवश्यक आहे.