04121
महामार्गाचे काम बेततेय
नागरिकांच्या जिवावर
आंबवडेत खड्ड्यात पडून दोघेजण गंभीर
पन्हाळा, ता. १५ ः नागपूर-रत्नागिरी राष्ट्रीय महामार्गाचे काम पन्हाळा तालुक्यात युद्धपातळीवर सुरू आहे. कॉलम उभा करण्यासाठी रस्त्यालगत ठिकठिकाणी मोठ-मोठे खड्डे खणले आहेत. परंतु खोदलेल्या खड्ड्यांनाजीक कसलीही सुरक्षात्मक उपाययोजना केली नसल्याने नागरिक खड्ड्यात पडून दुर्घटना होत आहेत. पन्हाळा तालुक्यातील आंबवडेनजीक डुबाळवाडी वस्तीतून शिवारात जाणारे दोन लोक खड्ड्यात पडून गंभीर जखमी झाले आहेत.
चार दिवसांपूर्वी येथे कामावरील परप्रांतीय मजूर खड्यात पडून कंबर, पाठ, मणक्याला मोठी दुखपत होऊन गंभीर जखमी झाला होता. येथील शेतकरी विलास महादेव जगदाळे शेतातून रात्रीच्या दरम्यान घरी जात असताना खड्ड्यात पडून गंभीररित्या जखमी झाला. विलासचे पायाला हाताला गंभीर स्वरूपाची जखम झाली असून जोरदार मार लागुन तो गंभीर जखमी झाला आहे. त्यामुळे महामार्गाचे काम सुरू असलेल्या ठिकाणी सुरक्षात्मक उपाययोजना राबवाव्यात, अशी मागणी होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.